حقيقة ما حدث لمناجم الذهب بجبل السكرى

حقيقة ما حدث لمناجم الذهب

اعلن المسئول المحترم عن مناجم الذهب ان الذهب ذهب بغير رجعه

اعتصامات
و محاكمات عسكريه
و انفلات امنى
و السفاره الاسرائيليه
و احتلال صينيه ميدان التحرير
و محاكمات عاجزه لمبارك و نظامه
و ازمه شرف لحكومه شرف
و اطلاق بعض المختلين عقليا من ابناء مبارك للقيام بتصريحات عجيبه
واشياء اخرى مع حاله من الزفارة الاعلاميه سيطرت على تفكير الشعب

حقيقه ما حدث لمناجم الذهب التى كانت تنتج تقريبا ٥ اطنان شهريا هى نفس ما حدث

للجاسوس الاسرائيلى الذى ذهبت اخباره بغير رجعه

و ايضا حلم تحويل قناه السويس بالجنيه المصرى

و ايضا هى نفس حقيقه ما حدث لمشروع ممر التنميه

و هى ايضا نفس حقيقه ما حدث للاثار المنهوبه التى قام الكبار بتهريبها الى الخارج

التاريخ يعيد نفسه كأن يتم بيع عمر افندى فى خلال ازمه رغيف العيش

و توقيع اتفاق الغاز فى اثناء رفع سعر البنزين

و توقيع اتفاق انشاء المنطقه الحره فى بورسعيد للمصانع اليهوديه اثناء رفع سعر المازوت و السولار

ومشكله اعمار و شركات الوليد ابن طلال فى وقت القبض على القيادات الصحفيه السياسه

و طبعا كان اعظم اكتشاف علمى معملى فذ للحكومه هى امكانيه التلاعب بسعر الحديد لفتره طويله للتغطيه على تصدير الحديد الى اسرائيل بسعر ارخص من تكلفه الانتاج

لما يتميز المصريون انهم لا ينظرو ابدا الاتحت اقدامهم ولا يلتفتوا الى الحدث الموازى

على الرغم ان نظريه الحدث الموازى اصلا هى احد اقدم نظريات السياسه و تم ظهورها اول مره بمصر من ايام العصر البطلمى

كفايه كده علشان نسيت دواء الضغط فى البيت

واه يا بلد فاكرة الفقير ما يعرف يقول لاء

واه يا بلد فاكرة الفقير ما يعرف يقول لاء

الشهيد سليمان خاطر

شعب الله المحتار

شعب الله المحتار

يدعى اليهود انهم شعب الله المختار
 و اتضح ان المصريين هم شعب الله المحتار
شعب الله المحتار بين نفاق و كذب وعود الاخوان و ادعاءات الاقباط
و جهل و ضلال السلفيين و جبروت الحكومة و فساد القائمين على الحكم و دعارة الاعلام

و اصبح جهاز التلفزيون فى بيتنا هو شقه مفروشة تمارس بها شتى انواع الدعارة و الفجور الاعلامى

تكمن المصيبة الكبرى فى ان يتحول الداهية الى داعية

فتجده يصرح و ينقض و يتوعد باسم الدين و يكفر من يخالفه و يهدد و يتتنطط و يتشقلط
 امام جمع من اصحاب العقول المسترخيه ممن يجدون ان اقرب و اسهل طرق الايمان
 ان يعلن انه يتبع شيخ ما اسمه ....... و ان ايمانه افضل من ايمان من يتبع الشيخ .....

و بعد ان وقف المصرين فى الميدان على هدف واحد و تفرقوا على عده اهداف

و سواء كنت مختلف معى او لا مبارك افضل من كل الحركات السياسيه الحاليه
فمبارك جمع المصرين على هدف واحد هو ان يسقطوه
و الاحزاب و الحركات السياسيه
 فرقت المصريبن على اهداف الوصول الى السلطه و ان تسقط كلا منها الاخرى

الثورة المصرية ألهمت العالم و لم تلهم المصرين انفسهم
بل ان الثورة المصرية ألهمت العالم و الهبت المصرين

شعب الله المحتار
محتار بين هل الجيش متباطئ ام متواطئ ام انه مجرد سخافات و اشاعات يطلقها الروينى

و لسبب ما ظهر لدى مصر نوع جديد من التسليح اسمه الروينى و هو عباره عن منصه اطلاق اشاعات
 و نرجو جميعا ان يتم حظره و اعتباره من اسلحه الدمار الشامل

شعب الله المحتار
تفرق على جزئين الاولى تعلن بقاء الاعتصام مفتوح و الاخرى تعلن تعليق الاعتصام
فقرر المسئولين ان يتولوا هم الاعتصام فى الميدان
و يتمتع الشعب بالنوم فى بيوته مع حمام سخن و صابونه بريحه قبل لما ينام
و ذلك تيسيرا على الشعب و للتأكيد على ان الشعب و الجيش ايد واحده
و اصبح اعتصام الشرطه العسكريه فى الميدان هو البديل لاعتصام الشعب
و الغريب ان عجله الانتاج لم تتأثر باعتصام الشرطه العسكريه و ده طبعا بعد ما اتسرقت العجله

شعب الله المحتار
يتابع اخبار البورصه بشغف و يعتبر انها نيو لوك اقتصادى
رغم ان اكثر الناس حديثا عن البورصه لم يدخل حتى مكتب صرافه فى حياته
و لكن اصبح هوس الحديث عن البورصه نوع من انواع الرقى الاجتماعى ليس اكثر
و اصبح مؤشر البورصه يؤثر فى صباح سواق التاكسى و عم محمد بتاع الفول

و انهيار الاسهم كان احد الاسباب التى استخدمها عم حسنى البواب ليبرر لى لما لم يقوم بغسيل السياره امس

نداء الى الشرطه العسكريه ارجوكم الخروج من ميدان التحرير و بسرعه
حتى لا يظن الناس ان الجيش متواطئ
و يضطر الروينى الى اصدار اشاعات جديده تصدر الحركات السياسه و الاحزاب بسببها عده بيانات متناقضه
 يقوم بعدها الشيوخ تولى نظريات التحليل و التحريم
فيتحول التلفزيون الى وكر لممارسه الرذيلة الاعلاميه الى تؤثر على البورصه
اللى انا عمرى ما كانت تفرق معايا
بس علشان عم حسنى البواب بتاعنا مش راضى يغسل عربيتى علشان البورصه انهارت

والله الموفق يا شعب الله المحتار

الهروب الجماعى من مستشفى المجانين

الهروب الجماعى من مستشفى المجانين

اتضح بعد انقضاء اسبوع ظريف لطيف من رمضان

انه حصلت حاله هروب جماعى من مستشفى المجانين و الى ان استقر بهم الحال فى مناصب قياديه فى البلد

هل من يقوم على اختيار الاشخاص للمناصب فى مصر يشكو من شئ ما فى عقله ام انه يشكو من غياب عقله ؟

ام انه لا يعانى شئ ما انما هى فقط قدرته العقليه و يكمن العيب فى من وضعه هو شخصيا فى مركز الاختيار ؟

اذا فرضنا القيام باجراء اختبار ذكاء لافراد الحكومه من وزراء و محافظين و نقابات و الذى منه

سوف نكتشف انهم جميعا يمثلون صف من طلاب مدرسه لتحدى الاعاقه الذهنيه او يعانوا من نسب متفاوته من التخلف العقلى

وقد يتضح ان اذكى الموجودين فى وزاره ما مثل الاعلام هو الراجل المسئول عن تركيب لمبه حمرا فوق برج التلفزيون فى ماسبيرو

و الغريب ان كل مصيبه من هذه المصائب لاتكتفى بانها تدمر على قدر استطاعتها ولكنها توظف بعض متدرجى الغباء ليشكلوا كتله الغباء الاعظم فى قوام الحكومة المصرية

فاذكى واحد فى الصحه مثلا هو مريض من زمان و نفسه يتعالج على نفقه الدوله بس الدوله مش حتديله نفقه ولا حاجه دى كمان الدوله ناويه تطلبه فى بيت الطاعه

و اذكى واحد فى وزاره الداخليه هو حرامى جزم من امام الجوامع قدر يقنع الوزاره كلها انه حيشتغل معاهم مرشد و طبعا الضابط صدقه على الرغم من انه سرق جزمته ٣ مرات متواليا

و اذكى واحد فى التعليم هو عم فتحى بتاع عربيه الفول امام الوزاره لانه الوحيد اللى اكتشف ان الاستخدام الامثل للكتاب المدرسى

هو لف السندوتشات و لو بيعزك قوى يعنى حيلفهم فى صفحه من كتاب الانجليزى و لو عايز يسد نفس اهلك حيلفهم فى كتاب الفيزياء او الاحياء و كتاب الكمياء طبعا محجوز للف الطرشى

و اتضح ان وزارات مثل وزاره الماليه لمؤاخذه مش قادره تاخد قرار واحد يفهموا الشعب احنا حنتنيل ناخد قرض من البنك الدولى ولا لأ

و اتضح ان وزير الماليه لا يعرف الفرق بين القرض و القرد و القوارض و الاقتراض

و يتضح برضه ان بعض الوزارات اللى انا مش عارف هى بتعمل ايه و متأكد كمان ان الوزراء بتوعها مش فهمينها زى مثلا التنميه المحليه الى طلع علينا العبقرى بتاعها يقول ان اشفق على الشباب و المرأة من الاشتراك فى حركه المحافظين (( اللهم انى صايم ))

اما بالنسبه للرجل المسئول عن تطهير ميدان التحرير من الثوار المزعجين اتضح انه لا يستخدام الاساليب الوسخه الا لانه هو رجل المهام الوسخه و هى دى طبيعه عمله

و اتضح بعد فتره ان قرار طرد المتظاهرين من الميدان هو بنفس عظمه و غباء قرار موقعه الجمل

موقعه الجمل اسقطت نظام مبارك و التصعيد دفع الثوره الى النجاح و اليوم يدفعنا غباء القائمين على السلطه لنجاح اكبر بالخروج من الميدان اللى التواصل مع الناس و ترسيخ فكره الثوره على قاعده اوسع

و بدل لما كنا متشردين فى الشارع و بايتين بره بيوتنا تحول الامر اننا بنكمل عمل الثوره و نروح ننام فى بيوتنا و الجيش هو اللى معتصم فى الميدان و هو ده معنى الجيش و الشعب ايد واحده يعنى الشعب يوعى الناس علشان الثوره تكمل و ننهى حكم العسكر و الجيش يعتصم بدلنا فى الميدان

و يتضح ان الرجل المسئول عن كل اشتباكات ميدان التحرير هو مجرد رجل يريد الاطاحه بالمجلس العسكرى و يتخذ العدلى مثلا اعلى حين اثار الناس على مبارك

سيبك انت كل دى تخاريف صيام و يجعله عامر

تخاريف صيام ( اطلع بره دماغى يا كلب ) و +18

تخاريف صيام ( اطلع بره دماغى يا كلب ) و +18

هام و عاجل : ايها الوغد اللعين سنه امك زاى الطين احرقو الساحرات
 و اغلقوا ابواب القلعه و اهدموا الجسر فأن اشباح الماضى تعبر من تحت عقب الباب
  اذا فالتدعنى وشأنى والا اسقط عليك تخاريف الصيام

اطلع بره دماغى يا كلب

العوا: صعب عليا علاء و جمال احب اقوله ان كل اناء ينضح بما فيه و انتا لمؤخذه بلاص مش

و قال بيقولك الناس زعلانه ان فى ضابط سلم على علاء و جمال و شارك فى ضرب المعتقلين

 يا جماعه ده اسمه رجل المهمات الوسخه و هو ده دوره الطبيعى مش عيب يعنى

صوابع الفنجرى و مقالب الروينى و ام العريان ثلاث اصناف اضيفت للحلويات الشرقيه هذا العام

من اكتر الاسامى اللى ذكرت الناهرده فى المحاكمه كنت حاسس ان بعد شويه حيطلع واحد ينقط العريس و العروسه
 هو ده مش فرح بالدى برضه؟

هو من امتى فتح الجلسه بقى بأسم الحق و العدل ؟ هو مش كان بسم الله بسم الشعب نفتتح الجلسه

ابويا قاعد جنبى بيقولى اول لما مبارك يدخل القاعه كلها حتسقف علشان احنا طول عمرنا شعب اهبل

يعنى يا ولاد الكلب اجيب يوسف شاهين يخرج المحاكمه علشان نعرف نشوف مبارك الكلب فى القفص كويس؟

ايه كميه اقفاص السلك الموجوده فى القاعه دى هى محاكمه رئيس سابق ولا محاكمه حرامى فراخ؟

  يارب اشوف مبارك زاى سليمان الحلبى او شجره الدر يعنى على الخازوق او مضروب بالقباقيب

اى حد يقول ان مبارك ابوه احب اقول له يلعن ابوك و عياله

و اللى بيقول ان مبارك ابوه احب اقول له ان بابا اوبح

و اللى بيقول ان مبارك ابوه احب اقوله عيب تقول كده على امك

يا احزاب يا ولاد الكلب الشباب هو اللى عمل الثوره و انتو اللى كنتو مشاركين فى الفساد عيزين تركبو الثوره يا غجر

المجلس اصبح عتريس و مصر اصبحت فؤاده
جواز عتريس من فؤاده باطل باطل و برضه مفيش اعتصامات يا غجر
الظاهر ان لازم حد يفتح الهويس

علاء و جمال كانو وقفين طول المحاكمه ليه ؟ اكيد علشان يقولو كنا رجاله ووقفنا وقفه رجاله

بالنسبه لتصريحات الراجل بتاع الاخوان احب اقول له ان لو اهلك بيحبوك كانو رموك فى مستشفى المجانين من زمان

ليه مطلوب انى اصدق وعود المجلس لما فى واحد طلع فنجرى و التانى طلع بتاع اشاعات

وانا مال اهلى كأنى ما قلتش حاجه

اللهم ارزق السلفين الشهاده و الاخوان العقل و المجلس العسكرى اعمل فيه اللى يريح صدور المصرين قولو امين

شعار السلفين فى المرحله الجديده يلا نقضى اجازه سعيده نعمل فيها مصيبه جديده

بيقولك فى ثوره فى اسرائيل و اتضح ان سببها برضه ان حسين سالم ناصب عليهم هما كمان

امريكا عندها سوبر مان و سبيدر مان و بات مان و مصر اصبح عندها الملثم مان مبروك علينا ملثم مان يا رجاله

بما ان محدش واخد حقه فى البلد دى الا الملثم انا قررت البس لبس الملثم يمكن ينفع

عزيزى المجلس الفنجرى قبل ان تلعب بكرت الاسلامين راجع كتاب السادات صفحه المنصه يا فالح 

على الرغم من بعض السلبيات فى المحاكمه الا اننا لازم نحترم وفائه بوعده شكرا ايها المجلس و برضه يابخت من زار و خفف

ويحك ايتها الافكار اللعينه لن ادعكى تتنططين فى دماغى اكتر من كده والاذهب الان لافكر فى السحور و طبق الفول

جنه لا يدخلها الا السلفين و الضحك على الدقون حيبقى للركب

جنه لا يدخلها الا السلفين و الضحك على الدقون حيبقى للركب
الجمعه القادمه بالغطره و العقال
على فكره اللى حصل ده شئ ايجابى لان السلفين اعلنوا ان نزول التحرير واجب شرعى لدرجه الفرض العين
و اجروا اتوبيسات و عملوا السندوتشات و قعدوا يغنوا طول الطريق اغنيه يلا نقضى اجازه سعيده و نعمل اى مصيبه جديده......
و اتضح فى الاخر انهم عددهم لا يتجاوز ال ٤ مليون يعنى اقل من الاقباط فى مصر
من امن الدوله الى السلفين شكرا لحسن تعاونكم معنا (( بصراحه مكناش عارفين نعمل حصر باعدادكم حتى امس ))و ذلك لانكم لم تشاركوا فى اى احداث من بدايه الثوره حتى الان
الخراف مئه و الراعى واحد و كل واحد يفهم المثل ده على مزاجه
عزيزى المجلس العسكرى قبل ان تلعب بكرات الاسلامين راجع كتاب السادات صفحه المنصه
راجع كتاب التاريخ فصل جرائم الارهاب
عزيزى المجلس مبروك عليك الافراج عن عبود الزمر و الى اللقاء على المنصه قريبا مع تحيات السادات
عزيزى المجلس العسكرى ارجو ان تنقل للسادات هذه الرساله احنا اسفين يا سادات
هل يعقل ان تقوم مصر بثوره لتحتلها السعوديه بفلوسها ؟
الريال السعودى كان العمله الرسميه لميدان التحرير امس
هل يعقل ان يرفع علم السعوديه على ارض ميدان التحرير
و هل الاسلام السعودى هو ما نريده فى مصر ؟
و ظهر شعار اسلاميه اسلاميه يعنى هى كانت هندوسيه قبل كده مثلا يا تييييييت
والصحافه فين الاسلام اهه هو الاسلام كان مستخبى مثلا خيبر خيبر يا يهود جيش محمد سوف يعود
السلفين محتاجين دروس جغرافيا و تربيه قوميه
اسرائيل تقيم الافراح اليوم السبت لان السلفين فاكرين ميدان التحرير هو القدس و ان اليهود هم الاشخاص الموجودين بالميدان
اتضح من مشهد امس ان السلفين لا يعرفون الفرق بين التحرير و حائط المبكى ولا يعرفون الفرق بين تمثال عبد المنعم رياض و هبل اله الكفار ايام الرسول عليه الصلاه و السلام
و اتضح ان شعار فلسطين هو مجرد ضحك على الدقون
لم يظهر طرطوفه دقن شيخ واحد من اامه السلفين امام السفاره الاسرائيله بل و لم يهز احدهم وسطه او طرف جلبيته للدفاع عن من تم القبض عليهم امام سفاره اسرائيل و يجوز انهم كانوا منتظرين الاذن من السعوديه
التمول السعودى لمصر هو مجرد بدايه لتكوين جيش يحارب بهم اولاد ولى العهد حتى لا يقفذوا على الحكم
عزيزى ملك السعوديه نحن المصرين سنحكم السعوديه قريبا و ستكون انت من الرعيه لو تمكن السلفين من حكم مصر سيكون لهم القدره على احتلال و حكم السعوديه و بالطبع لن تكون تحت حكمك او حكم ابناء اخيك ولى العهد المتنازعون فيما بينكم على العرش لانهم لن يرضوا بك ملك ولو بايعوك الان
عزيزى ملك السعوديه إقراء التاريخ الامريكى و الروسى صفحه بن لادن
هل طالب السلفين بالقصاص لسيد بلال الذى استشهد على يد امن الدوله
هو مين سيد بلال ده
ايها السلفين (( انما اهلك الذين من قبلهم انهم اذا سرق فيهم الشريف تركوه و اذا سرق فيهم الضعيف اقاموا عليه الحد ))
كان يجب على حازم شومان مدعى الاسلام ان يختفى و هو من قصف مسلمه محصنه بغير حق ولم يقام عليه الحد حتى الان ولكن المثل يقول اللى اختشوا ماتوا و الحرامى البجح يسرق من الجامع
عزيزى السلفى اللى بيدور على اخته كاميليا اختك التانية وقع عليها كشف عذريه و انت متحركتش يا خرونج
عزيزى السلفى ذو الصوت العالى احب اقولك البرميل الفاضى هو اللى له صوت
و سعيكم مشكور

خد عندك دى كمان

خد عندك دى كمان 

منتظر ايه من حزب الكنبه شعب الكنبه و الشلت

منتظر ايه من شعب يملك مستشفى اسمها مستشفى الكلب لعلاج البنى ادمين و مستشفى الشعب لعلاج الحيوانات

منتظر ايه من شعب كان ساكت و بيطبل لحكومه كلها الان فى السجن

منتظر ايه من شعب لما نزلنا التحرير رجع البيت بسرعه علشان يتفرج على الماتش

منتظر ايه من شعب 30 سنة بيستهلك أسوء المنتجات و راضى و مبسوط

منتظر ايه من شعب كبر على الاغذيه الفاسده و المسرطنه

منتظر ايه من شعب يملك اعلى نسبه رصاص فى الاغذيه و هى المسئوله عن التسبب بتخلف عقلى

 منتظر ايه من شعب كان قبل لما يخش الحمام بيقول حسب تعليمات السيد الرئيس

 منتظر ايه من شعب كانت اكبر لحظات الوطنيه اللى عاشها خلال 30 سنه كان كاس الامم الافريقيه

منتظر ايه من شعب لما تلعن سلسفين اهله يقولك ايوه يا باشا علشان فاكرك ضابط

 منتظر ايه من شعب اول مظاهره خلال 30 سنه كانت علشان اضرب فى ماتش الجزائر

 منتظر ايه من شعب نسى شهداء العباره علشان شوبير شتم مرتضى

منتظر ايه من شعب كان بيغنى اغنيه اخترناه اخترناه

 منتظر ايه من شعب عمل اعظم انجاز عسكرى فى العصر الحديث و اختصره فى الحديث عن الطلعه الجويه

منتظر ايه من شعب كان بيفرض ضرائب على المنتج المحلى و بيصدره بنص ثمنه علشان نستورد البديل من بره

منتظر ايه من شعب عجله الانتاج بتاعته عباره عن شيبسى و جهينه و جبنه طعمه

منتظر ايه من شعب باع كل مؤسسات الدوله و اصبح لا يملك الا مبانى الوزارات

منتظر ايه من شعب كان كل مشكلته تامر ولا عمر نجم الجيل

منتظر ايه من شعب عنده اعلان زى اعلان جبنه روميرو

منتظر ايه من شعب الحرامى فيه شريف و الشريف فيه خاين و الخاين فيه رئيس دوله

لهذه الاسباب كانت ثوره يناير و لهذه الاسباب مستمره و فى الميدان

 احنا بقى مش منتظرين منك غير انك تفضل قاعد على الكنبه زى مانت واللهى ولا تهز طولك

الرجاله حتخلص الثوره و تكلمك تقولك

من معتصمي التحرير الى معتصمي روكسى احنا الثورة يا غجر

من معتصمي التحرير الى معتصمي روكسى احنا الثورة يا غجر
فكره انكوا مش حتمشوا غير لما احنا نمشى من التحرير فكره عظيمه
 لاننا مش حنمشى الا بتحقيق مطالبنا و العاقبه عندكم فى المسرات
اشرب الدواء فالدواء فيه سم قاتل

بألف هنا و فى ستين داهيه
وكل اعتصام و انتم بخير

و جايز انها تنفع لاننا بصراحه محتاجين اى شئ يصلح الحال و يصحى الثوره من النوم
يحكى فى الاثر اللى من بعد الثوره اتكسر انه احد الحكماء احس بنهايته فجمع اولاده
متقلش انك عارفها و تزهقنى كمل القصه و انت ساكت

و هنا سكت الحكيم و نظر الى ابنائه و قال
طول ما معاكم الثور ده انا مش خايف عليكوا و اطلعوا بره يا ولاد الكلب
و مات الحكيم وارتاح و محدش لحد النهارده فاهم حاجه من القصه

عمتا احنا معتصمين فى الميدان لحد لما المجلس ينفذ مطالب الثوره
بس الواضح كده انه كان قصده فى الاخر اتمسكوا بوجودكم جنب الشخص القوى حتى ولو كان احمق و و بلا عقل
فيمكن للعقل استعمال القوه ولكن القوه بدون عقل مصيبه سوده
جمع اولاده و مسك حزمه حطب و اعطى كل واحد منهم عود و طلب منهم كسره فكسروه بكل سهوله
ثم اشار لاكبرهم و كان عامل زى الثور لامؤاخذه و بيرعى فى اته محلوله و اعطاه خمسه اعواد بعددهم
و طلب منه ان يكسرهم حزمه واحده فامسكهم و كسرهم بمنتهى السهوله بصراحه
الحكيم اتغاظ و طلب حزمه اكبر من الحطب و اعطها لنفس الابن فكسرها
واحس باليأس و طلب حزمه اكبر و اعطها لنفس الابن فامسكها و كسرها بسهوله بالغه
لسبب لا يعلمه الا المولى سبحانه و ده طبعا لانه علام الغيوب
افتكرت قصه كنت بسمعها و انا صغير و كان ليا فلسفه خاصه فيها
القصه قديمه فعلا لكن مختلفه عن الروايه اللى احنا عارفنها شكلا و موضوعا
الى المواطن : (الغباء) القاتن ( بعقول البعض )
اشرب الدواء الذى ارسلت ابنتك ( تخلف ) فى طلبه الدواء فيه سم قاتل
اولا احب اشكر معتصمي روكسى من قلبى و اقولهم ربنا يخلينا ليكوا
من معتصمين التحرير الى معتصمين روكسى شكرا على حسن تعاونكم معنا
 وزيادة الضغط على المجلس العسكرى من اجل سرعه تحقيق مطالبنا

و محدش يعترض يا غجر

و محدش يعترض يا غجر

وثيقه تحالف مع المجلس العسكرى

بما ان الغايه تبرر الوسيله يبقى علشان مصر تطور يبقى نشغل مخنا

انا عارف ان ده شئ صعب على ناس كتير لانى كنت واحد منهم

على اعتبار ان اشاعه الاخوان عقدوا تحالف مع المجلس العسكرى دى صحيحه

وده طبعا واضح من تصريحات الاخوان و محاولتهم الشعبطه فى المجلس العسكرى

و تصريحات ان المجلس العسكرى والى الامر و انه حبيبى المجلس العسكرى

ده طبعا فى مقابل ان المجلس لا تتم محاسبته على اى شئ و ده الشئ اللى الاخوان عمرهم ما صدقوا فيه

فى حد برضه ياخد وعد من الاخوان !!!!

اذا كان المجلس عقد تحالف مع الاخوان يبقى المجلس ضعيف و لا يصلح لقياده البلد اما اذا كان المجلس لم يعقد هذا التحالف يبقى الاخوان بيشوهوا المجلس العسكرى بافعلهم

و بتصريحاتهم

فانطلاقا من مبدأ ان كبر ابنك خاويه الثوار اولى بالتحالف مع المجلس

و يتم التحالف ده ببنود :

1 ضمان ان الجيش المصرى هو القوى العظمى فى الاراضى المصريه ولا يجوز وجود قوه اخرى تنافسه يعنى لا الداخليه ولا الاجنحه المسلحه لجماعه الاخوان

2 يضمن المجلس ان يحاسب الفاسدين من رموز و اعضاء النظام السابق

3 يتقدم المجلس بجدول زمنى لاصلاح الحياه السياسيه فى مصر من انتخابات و دستور

4 ان ينفصل اختصاص واضعى الدستور عن اعضاء مجلس الشعب و يطرح للاستفتاء بدون تدخل مجلس الشعب ان كان قد تم تأسيسه

5 اعلان محاكم ثوريه تختص بقضايا قتل المتظاهرين

6استرداد اموال المصرين الموجوده فى الخارج بسرعه مقابل تخصيص نسبه 5 % للمجلس و أعضائه كمقابل اتعاب (( نعتبرها اتعاب محاماه ))

7 اعلان وثيقه تمثل اعفاء اعضاء المجلس من اى مسألات فى المستقبل و اى محاوله لتشويه المجلس الموقر

8 اعطاء حصانه الثوره لاعضاء المجلس بما يتناسب مع دوره العظيم فى الحفاظ على الثوره و المرور بالبلد من عنق الزجاجه

9 يوقف المتظاهرين شتى انوع التصعيد و فض اعتصام التحرير فور موافقه المجلس على ذلك

والله والى التوفيق

و كمان بيهددنى كده كله الا كده يا فنجرى

و كمان بيهددنى كده كله الا كده يا فنجرى

قبل لما تولع بشويه

مبارك فلسع يبقى الثوار اخدو الزنبوق الكبير

على الرغم من ان شعار ايكش تولع ده شعار قومى و منقدرش نستغنى عنه الا اننا اتعلمناه على مدى الثلاثون عاما الماضيه من المدهول مبارك
بس بصراحه المجلس اللى كلنا عارفينه اكتر واحد متمسك بالشعار ده

وانا قاعد النهارده بتشقلط على الفيس بوك لقيت واحد كاتب ان اخر قرار بتجديد حبس مبارك كان ١٠ مايو ٢٠١١ و بح على كده يعنى لو مبارك فلسع يبقى الثوار اخدو الزنبوق الكبير لان طبعا مافيش ما يمنع انه يفلسع

ده احنا ما نعرفشي ان كان اسمه لسا مدرج على قوائم الممنوعين من السفر ولا القوائم ضاعت لامؤاخذه

و ده كله طبعا علشان احنا ماشين وراء النائب العام اللى مش عارف اجراءات التقاضى اصلا و قدم طعن و هو مش عارف انه لا يجوز تقديم الطعن و انه حيترفض

و طبعا و لان المثل بيقول اللى يمشى ورا العيال .... احب انوه ان الثوره مش حتمشى ورا العيال

علشان الثوره ماشيه بشرفها

و بعدين طلع علينا المجلس ببيان مصور كل الغرض منه انه يورينا صباع اللواء الفنجرى

و كمان بيهددنى كده كله الا كده يا فنجرى

كلمه واحده حارد بيها على كل اللى قولته

البرميل الفاضى هو اللى له صوت

مجلس قياده القهوه

مجلس قياده القهوه

مجلس قياده القهوه طبعا ملوش دعوه بالى بيحصل على القهوه طبعا طالما مفيش حد بيكسر كراسى ولا بيحدف طوب على ازاز القهوه

اصل الحاجات دى تعد ممتلكات عامه للقهوه كلها، صحيح ان الواد القهوجى بقى رزل و الزباين كلها مخنوقه منه بس وماله المعلم هو اللى قال له يعمل كده

قال ما فيهاش حاجه لو زبون طلب سحلب و الواد القهوجى جاب له شاى او طلب قهوه مضبوطه و الواد القهوجى قاله ماشيها ساده علشان فى ازمه سكر فى القهوه بس برضه و ماله لازم نحافظ على الاستقرار فى القهوه

و بعدين المعلم صاحب القهوه هو اللى بيقول مين يشرب ايه

اصل بقى حكايه المعلم انه بيدور القهوه على ما صاحبها ربنا يفك سجنه او يفتكره اصله اتمسك فى قضيه و محدش عارف حيطلع منها ولا لا

و ابنه عبيط ما يقدرش يدور القهوه و الزباين كلها مبيطقهوش لا هو ولا امه

قوم المعلم الجديد قال انا حدور القهوه على ما نلاقى حد يشتريها و تفكوا انتوا بالقرشين و كان الله بالسر عليم

قوم الزباين لما عرفوا بالموضوع و زهقوا من المعلم الجديد و عمايله عملوا اعتصام على باب القهوه و ناموا على الرصيف اللى قدام القهوه و محدش بقى عارف لا يخش ولا يطلع و جابوا نصبه شاى و قعدوا على الرصيف و طز فى القهوه

اضطر المعلم انه يعمل اجتماع لمجلس اداره القهوه و يناقش الوضع اللى اتضح انه مفيش حل غير انه يبطل رزاله و يدى كل زبون طلبه

قرر المعلم انه يستعين ببعض البلطجيه لحمايه مصالح القهوه و اثناء و جود الزباين المعتصمين هجم البلطجيه قوم الزباين مسكوا كام واحد من البلطجيه و لامؤاخذه قلعهوم ملط و دخلوهم القهوه للمعلم

ولحد هنا الديك اذن و بكره نكمل بقيت الحكايه

:)

ارجع يا عصام يا حبيبى اهلك عايزينك

ارجع يا عصام يا حبيبى اهلك عايزينك

متغيب من اسبوع يرتدى بدله و كرافته و ياريته كان بيرتدى نظاره علشان كان شاف الحال وصل لايه

يعانى من فقدان ذاكره او فقدان امل او فقدان ثقه الله واعلم بس عنده حاله فقدان و خلاص

اخر مره شوهد كان من كام يوم بيلعب مع العيال فى شارع الخليج و رجع يا قلب امه ايد ورا و ايد قدام

و شوهد بعد ذلك ياكل سندوتش فلولل النظام و طعميه المجلس

طيب ولا بيهش ولا بينش و مالوش لا فى الطور ولا فى الطحين و طول عمره حنين و العيبه ما تطلعش من بقه

على من يجده ان يحضره الى العنوان التالى ميدان التحرير بجوار كنتاكى او الاتصال على رقم كنتاكى التحرير

و يقول ادينى اى حد كبير من الميدان و احنا حنيجى نستلمه

و نعلن عن مكافأه كبرى لمن يجده وجبه كنتاكى و ٥٠ جنيه علشان الدولارات كلها اتهربت بره خلاص معلش

و كمان اذا احضرته بسرعه و ما بيعيطش حتاخد اجنده خارجيه هديه و شويه عناصر مندسه

نداء الى اصحاب اقلوب الرحيمه رجعوا عصام علشان امه مصر مقطعه نفسها من العياط

و اخته ثوره فرحها كمان كام يوم على الشعب المصرى

و الوليه داخليه نفسها تبوظ الفرح وخلاص

ارجع يا حبيبى امك الى بتحبك مصر

شكرا ايها المصريون ... وتحذير للداخلة

شكرا ايها المصريون ... وتحذير للداخلة

شكرا ايها المصريون

لكن الموضوع ليس يوم الجمعه ولكن الاسبوع بالكامل

٨ يوليو هو يوم حسم الرهان امام كيان نظام مبارك السابق انهم يراهنون على اننا لن ننزل الى الميدان

و فى نبره تحدى سافر رد عليا احد ضباط الشرطه رغم صداقتنا القديمه انه لن يتكرر يوم ٢٥ و لن يجتمع الشعب مره اخرى و مش حتقدرو تقفوا قدامنا

منذ بضعه اسابيع  كنت دائما اتعجب من يوم الاربعاء حين تبدأ القيادة فى التهدئة و تتبعها يوم الخميس ببعض الاصلاحات تحسبا ليوم الجمعه حينما نعلن عن مليونيه

انهم يرون فينا الفرقة و نحن نرى فيهم الغباء

الى اخى الاخوانى و اخى القبطى و اخى السلفى واخى الليبرالى والعالمانى غدا سيحمى كلا منا ظهر الاخر و سيفتدى كلا منا الاخر بصدره امام طلقات رصاص الداخلية و سوف ينسينا دخان الغازات اختلافاتنا الفكرية و لنجتمع على كلمه وطن بكرامه

فأسأل الله لى ولكم اما النصر او الشهادة

شكرا لكل من لم يخن الشهداء و دمائهم شكرا أيها الأخوة المصريون

فقد يكون الحل الاخير هو العصيان المدنى و هو الذى نسعي بشتى الطرق لعدم الوصول له

ولكن لا تتركوا الميدان حتى تنفيذ مطالبنا بالكامل و تحت اى ظرف

رغم خلافاتى مع الاخوان و الاقباط و السلفين اعلن احترامى و شكرى للاخوه على وحده الصف امام تلاعب القيادة بمصير الامه

والله الموفق و المستعان

شكرا ايها المصريون

شكرا ايها المصريون

لكن الموضوع ليس يوم الجمعه ولكن الاسبوع بالكامل

٨ يوليو هو يوم حسم الرهان امام كيان نظام مبارك السابق انهم يراهنون على اننا لن ننزل الى الميدان

و فى نبره تحدى سافر رد عليا احد ضباط الشرطه رغم صداقتنا القديمه انه لن يتكرر يوم ٢٥ و لن يجتمع الشعب مره اخرى و مش حتقدرو تقفوا قدامنا

منذ بضعه اسابيع  كنت دائما اتعجب من يوم الاربعاء حين تبدأ القيادة فى التهدئة و تتبعها يوم الخميس ببعض الاصلاحات تحسبا ليوم الجمعه حينما نعلن عن مليونيه

انهم يرون فينا الفرقة و نحن نرى فيهم الغباء

الى اخى الاخوانى و اخى القبطى و اخى السلفى واخى الليبرالى والعالمانى غدا سيحمى كلا منا ظهر الاخر و سيفتدى كلا منا الاخر بصدره امام طلقات رصاص الداخلية و سوف ينسينا دخان الغازات اختلافاتنا الفكرية و لنجتمع على كلمه وطن بكرامه

فأسأل الله لى ولكم اما النصر او الشهادة

شكرا لكل من لم يخن الشهداء و دمائهم شكرا أيها الأخوة المصريون

فقد يكون الحل الاخير هو العصيان المدنى و هو الذى نسعي بشتى الطرق لعدم الوصول له

ولكن لا تتركوا الميدان حتى تنفيذ مطالبنا بالكامل و تحت اى ظرف

رغم خلافاتى مع الاخوان و الاقباط و السلفين اعلن احترامى و شكرى للاخوه على وحده الصف امام تلاعب القيادة بمصير الامه

والله الموفق و المستعان

الانفجار طلع فشنك يا قلل

الانفجار طلع فشنك يا قلل

تصدق ابوك برضه كان كده

فضل يستغبى يستغبى لحد لما طلع له ديل و اتحول لحمار

وقال بيقولك طياره كسرت حاجز الصوت

الله يخرب بيوتكوا حنصلحه منين دلوقتى و هى مصاريف على الفاضى

ولا هو الشعب ناقص مصاريف

مش بعيد بكره يعملوا ضريبه جديده علشان نصلح حاجز الصوت و حاجز الامواج بتاع فيلل الوزراء فى مارينا

بعدين يقولك طياره معاديه يعنى معاديه وصلت لحد القاهره ازاى

 و لا ممكن تكون طياره معاديه من الفيوم ؟

اصل بتوع الفيوم انا عارفهم ممكن يكونوا عايزين يحتلوا مصر

بس انا واثق فى رجاله الصف و العياط و ربنا معاهم بقى

و بعدين يطلع يقولك اصل الصوت ده علشان فى كوبرى وقع فى المعادى

طب يقع فى المعادى يسمع فى الدقى ليه و هنا بقى يجى دور الاجابه الشهيره العالم اصبح قريه صغيره

و طبعا يطلع واحد بسرعه يقول هى العلمانيه الله يخرب بيوتكم شوفتوا بقى العلمانيه بتعمل ايه

يا عم علمانيه ايه دى اسمها عولمه

اهو انتوا كده لازم تقوحوا فى كل حاجه الشيخ قال علمانيه يبقى علمانيه و برضه الله يخرب بيوتكم

و يطلع تصريح من واحد قبطى يقول انه لازم فرض الحمايه على مصر

 علشان السلفين بيضربوا الاقباط بالطيارات

و بسرعه يطلع واحد او اتنين من الاخوان بتصريحات جديده

بتقول انى اللى حصل ده غضب من ربنا لان واحد من الاخوان جاله اسهال و محدش لحقه

و يطلع عبقرى تهريب و سرقه الاثار يقول انه اللى حصل ده

 بسبب ان فى حد تانى نفخ فى البوق بتاع توت عنخ امون بس المره دى ما نفخش فيه ببقه !!!

و بصرعه يتهم الامن ان اهالى الشهداء هما سبب الصوت ده لانهم قربوا يفرقعه من غيظهم

و النائب العام يقرر التحقيق فى الموضوع و منع النشر فيه حتى لا يؤثر على سير التحقيقات

 و يقرر اخلاء سبيل بقية وزراء الصيع و بلطجيه الداخليه

و طبعا ينتشر الامن المركزى و يقول ان ده كان عمليه استهداف لوزاره الداخليه

و محاوله لتهديد استقرار وسلامه المتظاهرين فى ميدان التحرير

و يتهم اهالى المتظاهرين القضاء انه هو السبب فى صوت الانفجار

و هذا الصوت ناتج عن البمبه اللى فرقعها لهم فى موضوع قتله الشهداء

و يتضح فى النهايه ان ده مجرد تجربه لمدفع رمضان

او ان الموضوع كله مفتعل لاثاره خوف الناس من يوم 8 يوليو بس على فكره برضه نازل و طز

حمار الثوره ماعدش بيبرطع

حمار الثوره ماعدش بيبرطع

هسس يا عجله التنميه و كرباج ورا يا أسطى

كرباج ورا يا أسطى ياللى سايق الثوره عشان خاطرى حيات ابوك يا شيخ

الحمار تعب من جر العربية و كل القلل اتكسرت من المطبات

الثوره بقت عامله زى عربيه كارو اسمها مصر

جاررها لامؤاخذه حمار اسمه الامن و الامان و محمله قلل اسمهم الشعب

و عماله بتنطط على المطبات الى اسمهم الاخوان و السلفين و الاقباط

و كل شويه العربيه تقع فى نقره اسمها المحاكمات العادله

و القضاء و تتكعبل فى ظلطه التنميه و الامان

و تتهبد فى دحضيره الاقتصاد و فى شويه عيال رزله بتزقل العربيه بالطوب اسمهم الداخليه

هسس بقى على جنب و ننزل نشوف القلل اللى اتكسرت

هى العيال الرزله دى ملهاش اهل يلموهم ولا ايه ؟

شكله كده الحمار حزن و مش عايز يمشى ولا بقى حيبقى فى امن ولا امان و لا حتى بتنجان

استقر الحال على الرغم من ان دوام الحال من المحال

انه نبيع البلد مره اخرى بدعوى استثمار من دوله اخرى

و نطلع الحرامى مصون مع انه غرقنا فى الديون

و نشوف مصلحه جمال و علاء رغم انهم اصل البلاء

ونطرمخ فى المحاكمات و نقول انه مفيش حد مات

و نولول على عجله التنميه على الرغم من انها مفسيه

و نبكى على الامن و الامان و نقول ان الشعب لازم يرجع جبان

و ان دورنا على حق الثوار يقولوا انك يا بلطجى يا حمار

و ان سألنا على حق الغلبان يقولك ايه يعنى لو نام جعان

و لو اعتصمت يقولك بلطجى و لو اضربت يقول عربجى

و لو قلت اقعد فى البيت يقولك انت بتعلن العصيان

و لو نزلت الشارع و سكت يقولك

بطاقتك فين يا روح امك

شكلك كده مش عاجبنى و بيقول انك بلطجى

علشان ما افضلش حمار او اتكسر مع بقية القلل اللى على العربيه

 انا قررت انزل و اقف فى ميدان التحرير

مؤامره يوم الجمعه ٨ يوليو قبل ان نسمع منهم ضحكنا عليكوا يا غجر

مؤامره يوم الجمعه ٨ يوليو قبل ان نسمع منهم ضحكنا عليكوا يا غجر 

يتم الافراج عن قتله المتظاهرين لسببين 

اولا حتى لا يخشى الضباط الحاليين من استخدام القوه المفرطه و قتل المئات الجديده يوم الجمعه القادم 

ثانيا حتى يتسنى للقتله القدامى ممارسه هوايتهم فى قتل المتظاهرين

و علشان يقدروا يحصدوا اكبر قدر من الارواح فى اليوم ده تم الافراج عن الفاسدين و تربئتهم من تهمه قتل المتظاهرين 

و اتخذت الحكومه كل الاجراءات التى تحقق نزول اكبر عدد من الثوار للشارع 

مثل الافراج عن الفقى و ينتظر المزيد خلال الساعات القادمه

لذلك ماذا لو فشلت الجمعه ٨ يوليو ؟

هل يبقى الحل فى الاضراب السلمى او العصيان المدنى ؟

ماذا يحدث لو قام كل الثوار بالتزام البيوت من يوم ٩ يوليو ؟

لا بنوك لا مطاحن لا مخابز لا مطارات لا مواصلات لا بيع ولا شراء 

هل يمكن للعدلى او انس الفقى و عصابه قتله الثوار اداره عجله البلد بمفردهم ؟

ام انهم سيسقطون تحت الضغط ؟

الصيع وارحل ... ملعون ابو دى ثورة

الصيع وارحل ... ملعون ابو دى ثورة

نازل يوم 8 ولو كان اخر يوم فى عمرى انا بلطجى و اشرف من كل من يدعون خوفهم على البلاد

النهارده الفصل الاخير من مسرحيه الثوره

بعد ان اعلن القاضى ان الثوار ولاد كلب

 و ان ما اسيل من دماء فى سبيل حريه مصر مجرد ميه ساقعه

اذا كان كل الضباط براءه يبقى لماذا يعلن ان فى تعويضات لاهالى الشهداء اي شهداء

و اذا كان كل الشهداء بلطجيه لماذا لم يسقط ضحايا من الضباط

الى من يدعى نزاهة القضاء احب اقوله يا اخى اتنيل بنيله كبيره

لما يتم طلب شهادات الصحيفه الجنائيه للثوار

اذا كان عباقره وزاره الداخليه يشكون من الانفلات الامنى

 فالسبب انكم فقدتوا اقل قدر من الاحترام و اختصرتم كل الامن فى امن ميدان التحرير و امن وزارتكم البلهاء

مصر بها اماكن كثيره تحتاج لتأمين و حراسه و عوده الامن

اذا كانت حقوق الانسان تمنع تصوير المحاكمات

 يبقى ملعون ابو دى حقوق ولو التصوير خطأ

لما صور الجيش انجازاته فى القبض على البلطجيه و اللصوص؟ !!

البلطجى و اللص هو الذى سرق 80 مليون مصرى

و لا نعلم ان كان فى السجن ام انها مجرد دعابه سمجه

فقد صورتونا جثث على الارصفه و تصوروننا كل يوم جثث تمشى على الارض

و ايها السلفين لعنكم الله اتقبلون الديه فى حد من حدود الله

و تقنعون اهالى الشهداء بقبوله لعنكم الله و لعن ما تدعون

و ليكن فى معلومكم ان عرض الديه على اهل المتوفى هو اعتراف بجريمه القاتل فبأس ما تدعون

واذا قبل كل اهل شهيد ديته فلا اقبل انا ان يحاسبنى قاتل بدعوى انه ضابط او قائم على القانون

ارجوك عصام شرف ارحل قبل ان تفقد القليل الباقى من احترام المصرين

ارحل و خد فى ايدك عبد المجيد محمود و جوده الملط و منصور العيسوى

ارحل و خذ معك الاعلامين المرتزقه فلم يعود منهم نفع

ارحل فقد اسدل ستار مسرحيه الثوره و لن يصفق لك ايا من الجمهور فقد فقدو كل امل بسبب ادائك المسرحى السيئ

لامؤاخذه ...................شكلكوا بقى .......... مبلول و بدكه

لامؤاخذه ...................شكلكوا بقى .......... مبلول و بدكه

 طبعا بدون الخوض فى موضوع ايه هو اللى مبلول و فى منه بدكه احب اقول ان المهم مين هما اللى ينطبق عليهم الوصف ده اتضح بقى و انا قاعد بتفلسف فى لحظات تجلى و ملعلع على الاخر ان فى ناس كتير قوى شكلها بقى ......... اليومين دول خد عندك مثلا التلفزيون المصرى طبعا كل لما تحصل حاجه فى ميدان التحرير يجيبوا صوره للميدان فاضى و يقولوا مافيش حاجه بتحصل اصلا ناقص يجيبوا لقطه من فيلم ابى فوق الشجره و عبد الحليم بيغنى دقو الشماسى و يقولوا مين اللى قال ان فى حاجه فى ميدان التحرير و طبعا بعد لما يحسوا انهم اتفضحوا و بقى شكلهم لامؤاخذه ب............ و ان فى قنوات تانية بتنقل الصوره حيه من هناك و ان مفيش بيت فى مصر اصلا بيتفرج على التلفزيون المصرى غير الرئيس المخلوع و هو قاعد فى شرم و اتنين تلاته مختلين عقليا برضه بيتفرجوا عليه اهو من باب انهم يحسوا ان فى حد اسوء حالا منهم و ان اللى يشوف بلوه غيره تهون عليه بلوته يجيبوا لقطه لمجموعه شباب و يقولوا عليهم بلطجيه و تبص تلاقى البلطجى من دول واقف لابس تيشيرت اديدس و بنطلون ليفيس جزمه نيكى طبعا بلطجيه و اجندات خارجيه كمان مهو لو كان وطنى كان لبس بنطلون ترجال او كستور و قميص مشجر ماركه شعبوله و تتنقل الصوره بقدره قادر الى واحد واخد فى وشه حوالى اريعين مطوه و لابس فنله حملات و يقولوا مواطن شريف بيدافع عن رجال الشرطه الغلابه و دول بقى النوع التانى من اللى شكلهم لامؤاخذه برضه يعنى هما مش قادرين يحموا نفسيهم و صورهم فى الميدان يوم ٢٨ كانت حاجه تقطع القلب و تصعب على الكافر و نص الشعب المصرى اصبح يملك تذكارات من هذا اليوم اللى واخد بدله ضابط و اللى واخد بدله عسكرى امن مركزى و اللى واخد خوذه ولا درع يعنى مش ممكن الشعب ينسى اصلا و بعدين كل كام يوم يصرخوا و يقعدوا يقولوا الحقونا المساجين بتضربنا و بيهربو و اصبحوا متخصصين فى ضرب النساء و العجائز من اهالى الشهداء و لما يشوفوا واحد من شباب الثوره يطلعو يجروا بس الشهاده لله ما بيقفوش فى وش الشباب بتاع الثوره غير لما يكونوا كتير يعنى مثلا ٥ الى ١ هى دى النسبه الى بتحكم علاقته الشرطه بالشعب و طبعا لو لقوا فرصه ينتقموا من الشعب مافيش مانع طالما ان القضاء بيحميهم و دول بقى النوع الثالث من اللى شكلهم وحش برضه تبص تلاقى الواحد من دول له هيبه كده و لابس هدومه و شنبه فى وشه يسد عين الشمس و يروح المحكمه يقول تأجيل طب تاعب نفسك ليه ماتبعت ماسج و تقول تاجيل و خلاص بس طول النهار ممرمطين الجيش وراهم يحمى المحاكمات و ده بقى برضه بقى شكله وحش بس مش حنقدر نتكلم علشان منروحش فى داهيه خصوصا بعد لما اصبحت علاقتنا بيه على وش طلاق لامؤاخذه بس نفسى اعرف ليه الجيش نزل امبابه بسرعه و جرى يحمى الاقسام فى ساعتها و جرى راح حلوان و كل مره تلاقى فتنه ولا موضوع بلطجه يجرى يلحق و يفضها سيره بس الغريب بقى ان كل مره المتظاهرين يضربوا تبص تلاقى الجيش بيعرج و هو جاى و يجيى بعد خراب ملطه بس برضه مش مشكله الواحد بيقول كله الا الجيش و محدش يقرب ولا يجيب سيره الجيش اصلا اصل جيش مصر بيقولك خط احمر يا خوفى لا يشيلوا منه كلمه خط دى عمتا محدش يقدر يسأل الجيش غير الحكومه و دى بقى برضه شكلها لامؤاخذه الشعب بيطالب بحاجات و هيا بتعمل حاجات تانية خالص ليه معرفش و كل شويه يطلعوا يقول لك مؤتمر وفاق وطنى و بعديها مؤتمر وحده وطنى و بعديها ائتلاف وطنى و اللهى انا حاسس ان العيب فى كلمه وطنى دى مش عارف ليه بتجبلى حاله هرش اول ما اسمعها من ايام المدهول على عينه الحزب الوطنى بس طبعا كله الا انهم يزعلوا شيوخ الفضائيات لامؤاخذه اللى قالوا ان المظاهرات حرام و الخروج على الحاكم حرام و ان اللى يخرج عن الحاكم ده فاسق و منيل بنيله و بعد لما الثوره نجحت طلعوا يقولوا الثوره حلوه و ادولنا حته بس تكون كبيره و كله علشان ربنا يحبكم و حسنه قليله تمنع بلاوى كتيره الغريب بقى انهم مافيش واحد منهم اتبهدل ولا اتمرمط فى امن الدوله ولا حتى حد منهم نزف من منخيره نقطه دم علشان خاطر الاسلام او المسلمين و قعدين يولولو و يقولو فلسطين و ساعة لما رحنا الحدود كانوا هما هنا قاعدين فى التكيف و لما سألنا قالك الشيخ بيدعى لكم و فى الاخر يقولك سنه يا سلام طب ما الرسول كان بيبقى اول واحد فى الجيش امام العدو اشمعنى دى مافتكرتوهاش فى السنه شكلكوا وحش لامؤاخذه طب ليه مافيش حد منهم طالب بالقصاص من قتله المتظاهرين حتى الان السؤال ده اجابته : ............... نقط و كل واحد يملاها باللى هو عايزه طب ليه ما فيش حد منهم طلب بمحاكمة قتله الاخ سيد بلال برضه الاجابه............. نقط و ده كله يطلع والاقباط يقولولك احنا مظلومين و مضطهدين فى البلد و لازم امريكا و مجلس الامن و ام سمعان البلانه يفرضوا الحمايه على مصر و ده طبعا علشان مصر الحيطه المايله و طبعا احنا عارفين الناس بتعمل ايه جنب الحيطه شوف بقى الحيطه المايلة حيعملوا فيها بقى ايه حتى الواد شاهين صاحبى طلع برضه لامؤاخذه مش عارف ليه بس اشمعنى يعنى حتيجى عليه و يبقى هو اللى عدل عمتا شكلكوا بقى لامؤاخذه .............

طب ماشى حضرتك قاعد معايا انا ليه ؟

طب ماشى حضرتك قاعد معايا انا ليه ؟

نزلت كالعاده اقعد على القهوه مع الواد شاهين باليل او نرغى فى ايى حاجه و خلاص

 بعد لما اتفاجأت ان حياتى بقت كلها منصبه حول عمليه الدستور و الانتخابات

استربعت فى الركن بتاعى فى القهوه و حولت اتناسى انى اطلقت عليها قهوه المختلين عقليا او مستشفى الامراض العقليه

 وقلت للواد شاهين النهارده مافيش سياسه و اتفقنا اننا منتكلمش فى السياسه خالص

بعد حوالى تلت ساعه قاعدين ساكتين علشان نمسك نفسينا حصلت طبعا الحاجه الكبيره

دخل علينا واحد لابس ابيض فى ابيض و خير الله اما اجعلوه خير دخل علينا زى القضاء المستعجل

 ليه معرفش بس يمكن شاف فينا كم البلاهه المطلوب علشان نصدقه

سحب كرسى و قعد معانا و ابتدى بقى يلت و يعجن

و قوم ايه قالك لازم نختار مرشد اسلامى

قالك احنا البلد حتضيع من ادينا قولت فى عقل بالى ايه الهكسوس جايين تانى ولا ايه

انا قولت اطمن برضه لو جايين اكلم امى تعملى سندوتشات علشان نلحق الحرب

قوم انا علشان فهمى على قدى و عبيط حبتين سألته طب يا عم الاستاذ الشيخ

هو يعنى ايه مرشح اسلامى ؟ علشان لو حد سألنى ميبقاش شكلى وحش لامؤاخذه ولا حاجه

عم الحج الاستاذ الشيخ بص للواد شاهين و قاله هو صاحبك ده عبيط ولا ايه ؟

شاهين رد بمنتهى التلقائية لا مش عبيط ده محمود

انا قولت يا واد طنش خالص

قوم عم الشيخ قعد يفهمنة يعنى ايه مرشح اسلامى

قد عم الاستاذ الشيخ قالى اسلامى يعنى يكون مسلم حيحكم بشرع الله

طبعا انا اتسحبت من لسانى و قولت له طب ما كل المرشحين مسلمين ايه المشكله

قالى انت مش فاهم حاجه و الهباب الشاى اللى بتشربه ده مبوظلك دماغك

بصراحه انا خفت و سبت الشاى لايكون حد حط فيه حاجه ولا حاجه

يا ابنى المهم انه يحكم بشرع الله

وطبعا علشان انا غبى و مش فاهم سالته يعنى هو حيجيب قوانين من عنده ولا من مجلس الشعب ؟

قالى لا مهو المرشح الاسلامى حيجبر مجلس الشعب انه يحط قوانين اسلاميه

و لشده غبائي سألته هو حيجبرهم ازاى هو مش المجلس ده ديموقراطى ولا ايه ؟

قالى ما هى الديموقراطيه دى اللى حتودينا فى داهيه انشاء الله

يا ابنى المرشح الاسلامى طبعا احسن

و كالعاده اتسحبت من لسانى هو حضرتك الباقيين دول مش مسلمين برضه ولا ايه

اصل انا صاحى متأخر و معرفش

قالى لأ دول مسلمين اسم بس

يعنى ايه يا عم الشيخ نورنى وحياة ابوك

يعنى حاجه كده زى ما تقول مسلمين مودررن

انت شكلك علمانى و حتقعد تجادل و خلاص

لا واللهى بس حضرتك انا نفسى اسألك سؤال ليه مهاتير محمد و رجب طيب اردوغان

و هما احسن امثله الحكم الاسلامى فى العصر الحديث محدش فيهم اعلن انه مرشح اسلامى و ان الباقين دول كفره و ولاد كلب ؟

و بأى حق انت بتكفر انسان و بتتهمه فى دينه لمجرد ترسيخ مصلحه مرشح لتيار معين ؟

و ليه بتنادى بالديموقراطيه اذا كنت اصلا ناوى تخالفها لو اختلفت مع اطماعك؟

و ليه فى اكتر من مرشح اسلامى اذا كانوا لا يطمعون فى السلطه

 و هناك اختلافات فى التيارات الفكريه بينهم على الرغم من ان الاسلام واحد و كلهم لهم صفه المرشح الاسلامى؟

و ليه بتحاولوا انكوا تصفوا اى حد يهاجمكوا لشخصكوا انه يهاجم الدين

انا عايز واحد يتقى ربنا و يحكم بالحق و الكتاب و السنه ولا يرفع شعار مرشح اسلامى

يا ابنى افهم المرشح الاسلامى لما يكون الشيوخ راضين عنه يبقى اكيد حينفذ شرع الله

طب لما الشيوخ هما اللى حاينتخبه و لازم هما اللى يكونوا راضين عنه

طب ماشى حضرتك قاعد معايا انا ليه ؟

الثوره فين يا غجر !!!

الثوره فين يا غجر !!!

 الدستور حبر على ورق و لكن المواطن حى يرزق كلنا ايد واحده يابهجت الغريب بقى ان من ثلاثه شهور تقريبا كان شعار الشعب المصرى كلنا ايد واحده يا بهجت وطبعا بهجت اللى هو الشعب اتنيل و صدق و عملنا الثورة و راحوا الشهداء و خلعنا المخلوع و طلع الاعلام المصرى طبعا بعد الثورة يهلل و يولول و يقول انه مع الثورة قلبا و قالبا رغم ان كل الشواهد بتقول ان الاعلام هو اللى بيغتال الثورة الان وطلع المشايخ يعيطوا على الشهداء رغم انهم كلهم اجمعوا ان الثورة حرام هو مش برضه ما بنى على باطل فهو باطل يعنى لو الثورة حرام يبقى اكيد اللى ماتوا منا مش شهداء بصراحه موقف فاقع مرارتى و مش قادر انساه قالوا حنعدل الدستور و نسقط الدستور القديم الكل هتف سعتها و قال كلنا ايد وحده واحده يا بهجت و بعديها اختلف معانا طبعا الشيوخ و قعدوا يصرخوا لا لتعديل الماده الثانيه من الدستور و لو انت مسلم قول نعم و اصبح شيوخ الفضائيات يملكون مفاتيح الجنه و على الرغم من وجود الماده الثانية منذ خمسون عاما الا انها لم تثمر او تغنى من جوع لم تؤثر يوما فى قانون الا الاحوال الشخصيه اللى ماما سوزان بوظتها كلها و مفيش حد منهم هز كتافه و قال لأ عليها و رجعنا بقى لفكره الدستور ولا الانتخابات اولا اتضح ان الموضوع ما يفرقش كتير الدستور كتاب ليس مقدس و لن يفتح بعد كتابته اصلا الاهم هو القوانين التى تكفل تنفيذ الدستور و ليس الدستور حريه المواطن و حفظ كرامته نبقى محتاجين لجهاز شرطه بلا تجاوزات اذا نضع هيئه رقابيه مختصه لها صفه الضبط القضائى و باشتراك المجتمع المدنى للاشراف على عدم تجاوزات الشرطه يعنى اننا نكون سواء امام القانون لا يعطى الضابط الحق ان يتعاطى المخدرات و يمسك بمواطن بتهمه التعاطى او الاتجار اذا كنا بنطالب فى الدستور بمجانيه التعليم يبقى نعمل تعليم الاول و نضع ضوابط للتعليم و الا مجانيه ايه ان كان معندناش تعليم اصلا اذا كنا بنطالب بحريه رأى و حريه تعبير يبقى نلغى تهم الصحافه و القبض على الناس بتهم سياسيه اذا كنا بنطالب فى الدستور على حق المواطن فى العلاج يبقى نطور الجهاز الطبى الاول الدستور حبر على ورق و لكن المواطن حى يرزق

وشتمنى و قالى يا ليبرالى

وشتمنى و قالى يا ليبرالى

بصراحه و للامانه العلميه هو قالى يا ريبرالى يا كلب
بصراحه انا زعلت جدا

مش من كلمه كلب انا زعلت انه بيقول ريبرالى بدل ما يقول ليبرالى

قوم انا اتسحبت من لسانى و قولت له اسمها ليبرالى يا استاذ

قالى انت كمان حتأوح فى دى ؟؟ ولا انت فاهم نفسك بتفهم يا عدو الله يا كلب

بصراحه انا حصلتلى حاله صدمه

يا عدو الله ؟
يا ريبرالى ؟
و عدد اتنين يا كلب ؟

اكيد دى بقى خناقه قوم انا اتنفضت من مكانى و قولت لأ كله الا كده

رد عليا بصوت عميق و مرعب زى بتاع المارد اللى كان فى فيلم اسماعيل يس و الفانوس السحرى و قال يا اشتراكى يا رأسمالى يا علمانى يا معفن

صرخت و قولت لأ كله الا الشتيمه بالام
اصل بصراحه اخر حاجه سمعتها عن العلمانيه ان امك تلبس مايوه

قعد يلعب فى دقنه و قالى انت ضد الاسلام

اخرتك سوده و على جهنم عدل يا واطى

بصراحه قلقت يمكن هو عارف حاجه انا مش عارفها ولا حاجه

قولت له يا عم الشيخ انا واللهى بصلى و حتى لسه مصلى العشا قبل لما اجى على القهوه

قالى ولما انت بتصلى بتتنيل تقعد على القهوه ليه ؟
سكت بصراحه و بعدين اتشجعت و سألته طب ما حضرتك قاعد على القهوه

قالى ايوه علشان الم الاشكال اللى زيك

فى الوقت ده الواد القهوجى كان قاعد يلعب فى الرموت بتاع الدش و بيقلب

فجت اغنيه للست هيفاء وهبى و بعديها درس على قناه اخرى

قوم عم الشيخ قاله ارجع كده يابنى و طبعا انشكح قوى لما جاب اغنيه الست هيفاء و بص ليا و قالى طبعا انت بتضيع وقتك قصاد الاغانى و المسخره دى

الغريب بقى انه لحد لما الاغنيه خلصت و هو ما شالش عينه من على التلفزيون و اول لما الاغنيه خلصت و جه بعديها راجل بيغنى

راح مزعق بصوت عميق و قال للواد القهوجى غير القرف ده و شوفلنا الاخبار او درس للشيخ .......... ده معاده دلوقتى

و طبعا بعد لما هيفاء مشيت بالسلامه مبقاش فى حد غيرى يفش غله فيه

بصلى و قالى يعنى ايه انت مش مقتنع بمرشح اسلامى للرئاسه

امال عايز ايه ؟

عايز ترشح الراجل بتاع بلاد بره يا كلب يا عميل يا احمق

بصراحه انا قلقت ده بيقول عليا عميل يعنى ممكن حد يبلغ عنى و يتهمونى انى جاسوس اصلى عندى كاميرا فى الموبيل و تلفون بكارت ٨ جيجه

قلت له طب يا عم الشيخ مهو اصل لو ما كنتش الثوره قامت محدش غير الراجل ده كان عايز يرشح نفسه اصلا

كله كان خايف و الراجل ده الوحيد اللى وقف فى وش الظلم فى وقتها

وحتى الكل طلع ايامها و قال المظاهرات حرام

طبعا بعد لما لعن سلسفين اهلى مرتين تلاته و شتم الواد القهوجى بالمره و هزق اتنين كانو بيلعبو طاوله فى اخر القهوه

و قالى مين ده اللى يخاف انت عبيط ولا ايه ده كان تمويه و تفكير محكم
بس طبعا اللى زيك حمار و مش فاهم

و بصلى من فوق لتحت و سابنى و مشى

جالى الواد القهوجى و قالى الراجل ده معاك قولت له لأ قال اصله ما دفعش حساب المشاريب

بدور حواليا لقيته سرق الموبيل كمان

انا اسف و مش حعمل كده تانى

رجع الموبيل يا حرامى 

طب اعمل فيكوا ايه يا غجر ؟

طب اعمل فيكوا ايه يا غجر ؟

لسبب غير معلوم قام رجل او امرأة يرتدى النقاب الاعتداء على طالبه بالصف الاول الثانوى بالة حادة داخل حمام احد النوادى

خبر ممكن نقابله كتير بسبب الغياب الامنى او بسبب انتشار البلطجية او بسبب اى شئ مش ده المهم

الاهم هو فهم الناس للخبر

طلع واحد قالك هو كده الاسلام بيتحارب فى كل حته قوم يرد عليه واحد تانى جريده وسخه ودايما بتهاجم الاخوان رغم ان الخبر لا كان فى جريده ولا كان فيه كلمه اخوان الا انه اصر على موقفه

و طلع واحد يقول  و لو هى طالبه محترمه حتروح النادى ليه ؟؟؟

ردت بقى واحده بتقول نقابى عقيدتى و الله يلعنكم كلكم طب يا ستى الكلام ده لمين ؟؟؟؟

قوم ردت عليها واحده وقالت ان ما كان ضرره اكبر من نفعه يبقى تجنبه افضل لان القرآن قال كده رغم انى مش عارف قال كده فين بالضبط بس اكيد مش ممكن يكون قصدها (( فيهما اثم كبير و منافع للناس )) بس بصراحه انا اتوقع اى شئ

طلع علينا واحد بقى انتوا عايزين ايه يا اعداء الله انتوا عايزين الناس تلبس بدل رقص كتكم القرف ده طبعا اللى هو احنا

بعديه على طول طلع واحد قال ان اكيد امن الدوله اللى عمل كده و ردت عليه واحده تانية بتقول و طبعا حيظلموا فيها السلفين و يقولوا ان السلفين هما سبب الحادث

و طبعا لاقيت واحد من الاخوه الاقباط نط فيها هو كمان و قال يهيص فى الهيصه و قعد يصرخ و يقول اكيد البنت مسيحيه علشان كده تم الاعتداء عليها و اكيد معمول كده علشان يرهبوا المسيحيات فى النوادى

لحد هنا و بجد انفجرت بقى

من بعد الخبر و لمده ساعه مفيش مخلوق سأل البنت جرى لها ايه او حالتها ايه

تحولت القضيه الى ان قطعه قماش تغطى وجه شئ غير معلوم ان كان رجل ام امرأة اهم الف مره من حياه انسانه

اصبح ربع متر قماش اسود اهم الف مره من طفله بين الحياه و الموت و محدش عايز يعرف حصلها ايه

العبقرى القبطى اللى طلع بسرعه يطمن ان كانت البنت مسيحيه او مسلمه اتضح ان قيمه الانسان فقط هى دينه يعنى لو مسيحيه تولع الدنيا علشانها و لو مسلمه تولع البنت و فى ستين داهيه

و التانى اللى طلع يولول و يقول طبعا حيتظلم فيها الاخوان و كانه بيقر ان كلام صبحى صالح حول ان اى بنت ليست من الاخوان تبقى لمؤاخذه مولعب و لا بقى اللى طلع يصرح و يقول ليه بتتهموا السلفين على الرغم ان محدش جاب سيرة السلفين اصلا

هما دول المصرين اللى المفروض نطور بيهم البلد ولا دول كائنات فضائيه او احد سكان الغابات من اكله لحوم البشر ؟

اسف و لا تعليق و دم البنت دى فى رقبه كل واحد

اتخذنا طريقا الى الكفر

اتخذنا طريقا الى الكفر

لا يلدغ المؤمن من جحرا مرتين

 اذا نحن لسنا بمؤمنين

و قبل ان نكفر بكم و بطاغوت احكامكم و نسقط مره اخرى دستوركم الذى تدعون

ايعقل ان نقع فى نفس الخطأ مرتين ؟

رئيس يعدل الدستور لكى يناسبه ثم نسقط الدستور و نخلع الرئيس و نقوم بثوره يموت فيه منا المئات بعد ان مات منا الالاف طوال فتره حكم الرئيس المخلوع لنقوم بعد ذلك و بمنتهى العبقريه بأجتلاب رئيس اخر ليضع لنفسه دستور جديد يخوله قوه الاله على الارض

ايعقل ان تكون اول انجازات الثوره هى الانعام على مبارك بلقب المخلوع ثم يأتى فرد ليقرر حرمان الشعب من اهم انجازات ثورته ؟

اهاكذا الديمقراطيه التى تدعون

دكتور شرف انتبه قبل ان يكفر بك الفقراء و قبل ان يكفر بك ابناء هذا الوطن فأنك لم تعد تمثل احلامهم لم تعد تمثل طوق النجاه

لا اشكك بك ولكن انتبه لمن حولك لا يمكنك ان تسجن او تحاسب من يطرق بابك لرفع ظلم عنه

ولا تنسى انك تتنفس من احلام البسطاء

ايعقل ان يكون القضاء بهذا السوء ؟

١٠٠ يوم على بدايه محاكمات الفاسدين و القتله و الحصيله خمس احكام لاربع وزراء سابقين احدهم هارب و اعدام امين شرطه واحد و اكثر من ٦٠٠ يوم حبس على زمه التحقيق

هل هذه المحاكمات تتم على كوكب زحل ؟

اتضح بعد الثوره ان الشعب المصرى يعانى من عقده الاضطهاد

لدينا مفهوم موروث ان الممنوع مرغوب

العلامانيه ممنوعه يبقى الشعب كله يتعاطف معاها

الاخوان ممنوعين يبقى الشعب كله يتعاطف معاهم

الجماعات الاسلاميه ممنوعه يبقى الشعب كله يتعاطف معاهم

قد يختلف معى الكثيرين ولكن الحقيقه المؤكده هى تعاطف الشعب المصرى مع الممنوع

البرادعى الاسم المحظور

لا اشكك تماما فى هذا الرجل و ذاك ولكنى اتعرض له كمثال : بعد ان اصبح هذا الرجل هو من (( المغضوب عليهم او الضالين )) بالنسبه لباقى افراد النظام السابق و بعض افراد النظام المؤقت الحالى اصبح هذا هو سر اجتذابه للناس كل يوم

من تعليقات البسطاء :

البرادعى منع من التلفزيون اكيد علشان بيقول حاجه هما خايفين منها

البرادعى رعبهم يبقى اكيد الراجل ده صح

البرادعى اكيد بيتشتم علشان كويس مهو هما بتوع الحكومه كده ما بيحبوش اى حد كويس

اغلب الظن ان المفروض ان يرد الدكتور البرادعى على حملات التشويه (( شكرا ايها الاغبياء ما زادنى غبائكم الا قوه ))

انتبهو ايها الساده فقد نسلك طريق الكفر بكم سريعا

و نسقطكم كما سقطت الاصنام

 انتبهوا فاننا لن نعبدكم ابدا فأينا فأرهبون

عفوا لم يحضر احد

عفوا لم يحضر احد

قبل ان تهب رياح التغير او اعاصير العصيان

ماذا لو قام كل الشباب الان باعلان العصيان و الغياب لمده اسبوع واحد فقط فهل يستطيع الكبار ان يقودوا البلد ولو يوم واحد

بالطبع لا

مصر تحتاج الى شبابها اكثر من احتياجها الى خبرات الكبار فكيف يتم الان تجاهل الشباب و الاعلان انه شباب لم ينضج و يحتاج الى وقت لكى يفهم الامور

الم يكفيكم ايها الكبار ٣٠ عاما ضاعت من شباب هذا الوطن بسبب خبراتكم فى السكوت و التزام الصمت

اسقطنا ثلاثون عامل من الظلم و القهر و الجهل فقط فى ١٨ يوم و هو ما لم تحاولوا فعله خلال ٣٠ عاما

من يرى منكم انه يصلح لقياده البلاد بدون الشباب فليتقدم لنجلس جميعا جيل الشباب فى البيت و ينجز جيل الكبار كل المهام

يزرع و يحصد و يبنى و يصنع و ما دمنا فى نظركم اطفال فالننعم بحياه الطفوله مره اخرى و نترك لكم اعباء العمل و التقدم بالبلد

ايها الكبار انتم بدوننا شجر غير مثمر و ارضا غير خصبه فانتبهوا قبل ان نوكل لكم كل الاعمال و نجلس فى البيت لنشاهد جرينديزر و كابتن ماجد

سيكون الوضع اشبه باختفاء جيل الشباب بالكامل الى ان تسلم الامور بالكامل الى هذا الجيل او يستمر جيل الكبار فى محاولاته اليائسة من السيطرة على مجريات الامور

انتشر وباء الكرسى فى مصر بعد ان كان مقصور على مبارك المخلوع سابقا (( السابق حاليا علشان المجلس العسكرى ما يزعلش ))

و وزرائه

بداء وباء الكرسى الان فى الانتقال الى جيل الكبار بالكامل الكل يتمسك بمنصب و يطمع فى سلطه هو ابعد ما يكون كفئ لها

يعملوها الصغار و يقعوا فيها الكبار

مثل لا ينطبق بالمرة على الوضع الحالى بس ممكن يتحول الى

يموت علشانها الصغار و يسرقوها الكبار

وقت ان نزلنا الى الثوره كل ابانا و امهاتنا كانوا ضد النزول الى الثوره

و منذ ان نجحت الثوره اصبح مطلوب منا اننا نسمع الكلام و نشوف الكبار بيقولوا ايه

طب هما بقالهم ٣٠ سنه ساكتين بيتكلموا ليه دلوقتى

ازمه مصر فوق الخمسين ايها الكبار اتبعونا ينصركم الله فنحن منكم كمثل النبى ابراهيم من ابيه

هل يعقل ان نتبع من افنى عمره فى ظل نظام مبارك سواء مؤيد او معارض ليس تخوين لاحد ولكن لانه لو كان لينجح كان لينجح من قبلنا

ايها الكبار اتبعونا قبل طوفان نوح اتبعونا قبل ان تأتيكم جند فرعون او تأخذنا الصاعقه

اتبعونا قبل السنوات العجاف

معقوله احنا الجيل الصغير نعمل ثوره لو يستطيع الكبار ان يقوموا بها

بل لم يجرؤ اشجعهم عن التفكير بها ليتم تهميشنا الان

و يقود البلد مره اخرى الكبار

لست جيفارا ولا احلم ان اكون ولكن اخشى ان نضيع جزاء اعمالكم مره اخرى

افيقوا ايها الكبار قبل ان نعلن العصيان عليكم

يأتى يوم تسمعون فيه عفوا لم يحضر احد من جيل كامل

خيار المجلس العسكرى زاى الفل

خيار المجلس العسكرى زاى الفل

بطيخ الاقتصاد اقرع و تفاح الاستقرار ماسخ و برتقان الوطنيه مر و قرع الامان طعمه وحش

و مانجه الديموقراطيه حادقه و طماطم الثوره مفعصه و عنب الدين ما استواش و فراوله الليبراليه ملهاش طعم و موز الحريه مستوى و مهرى و برقوق العداله الاجتماعيه مش اوانه

...كل ده و خيار المجلس العسكرى زاى الفل

شكرا يوسف والى كله من الموبيدات المسرطنه

كنت اتمنى !

كنت اتمنى !

اتمنى ان الاخوان يكونه ليهم اختيار افضل من صبحى صالح او عصام العريان

اتمنى ان سليم العوا لا ينتمى الى الاخوان بصله

اتمنى ان يكون مسلسل العار المستمر فى التلفزيون المصرى ينتهى بانتهاء عصر مبارك

اتمنى ان يفهم القائمون على التلفزيون انه مش عزبه ابوهم

اتمنى ان ما تكونش حمله الهجوم على البرادعى هى بقصد كسب التعاطف والله واعلم

اتمنى ان المجلس العسكرى يعلن سياسات واضحه و خطوات ثابته للمرحله القادمه

اتمنى ان الداخليه تتغير للاحسن و لكن القيادات تعوق ذلك

اتمنى ان نشاط و همه المخابرات تقسم بين الامساك بالجاسوس و القبض على حسين سالم و بطرس غالى

اتمنى اننا بدلا من رفع الاجور نحدد سقف اسعار للسلع الاستراتيجيه

اتمنى ان ارى تغير فى تعامل الموظفين بعد الثوره و لكن يبقى بعض الاشخاص فى كل مصلحه حكوميه يوقفوا المراكب السايره

اتمنى ايجاد مكان فى مستشفى الامراض العقليه لمرشح السيديهات

اتمنى ان تكون قيم الشريعه الاسلاميه هى فعلا ما يدعو له أأمه السلفين

اتمنى ان يصدق الاخوان و لو فى تصريح واحد لهم

اتمنى ان يشاركنا الاخوان و السلفين فى بدايه الثوره

اتمنى ان نسبق تونس الى رفع الحدود بحكم اننا عرب و اول من خاض تجربه الحريه

اتمنى ان يكون القضاء بنفس الهمه و النشاط مع قتله المتظاهرين مثل ما هو مع البلطجيه

اتمنى ان يكون استرداد الاموال المنهوبه من البلاد و ثروه مبارك هو الهدف الاول بعد الثوره للمجلس العسكرى

اتمنى ان يسمح لى برؤيه العادلى فى قفص الاتهام

اتمنى ان يكف المسئولين الحكومين عن التصريحات رغم علمى انها عدوى تشبه حالات الاسهال

اتمنى ان تنشئ لجنه لها صفه القضاء لحمايه قيم الثوره ممن يحاول تشويهها

كنت اتمنى انى استحق لقب مصرى لانجاز حققته او عمل يشرف بلدى وليس بسبب البطاقه

كنت اتمنى ان يفهم القائمون على شؤون البلاد الان ان الشعب لن يقبل بسياسه الرى بالتنقيط

اتمنى ان يكون حلم الغد هو واقع اليوم و واقع امس هو الماضى البعيد

طبعا و بعد لما ناس كتير قالت عليا متشائم و باصص من نظاره سوداء مضطر انى اكتب بطريقه مختلفه