صباح الفل يا كبيرصباح الفل يا مواطن
صباح الفل سيدى الرئيس القادم الان فقط يمكننى ان اقول سيدى الرئيس
ايه يا كبير ايه اخبار مصر اصلى انا المواطن العادى و بصراحه انا بطلت اصدق الجرايد و التلفزيون و قولت فى عقل بالى انا لو عايز اعرف حاجه اعرفها منك انت على فكره يا كبير انا واللهى مريحنى قوى الراجل الى اسمه منصور العيسوى ده و اللهى مصرى بجد كفايه يا عم انه رد للواحد قيمتهانا يا كبير ماليش دعوه باختياراتك انا ماليش غير الانجازات يعنى تجيب فلان ولا علان انا المهم بالنسبه ليا انى اشوف الى انا عايزه بيتحقق بس يا عم هو ليه لسه فى ناس بتمشى عكس و ليه الحاجة ابتدت تغلى بصراحة يا ريس فى ناس كده مش ولابد بتقول ان الحكومه هى اللى بترفع الاسعار و فى ناس بتقول لأ ده الاسعار هى الى بعافيه شويه المهم يا ريس ان كيلو الطماطم رجع تانى ب ٥ جنيه ولا ساعة الانتخابات حنلاقى حد بيوزعها ارخص زى كده لما بتوع الحزب الى فات عملوا ؟عمتا انا مالى يا كبير انت اكيد حتتصرف والا اوعاك يا كبير تكون فى الاخر حتسبنى كده و تقفل بابك انت كمان يا كبير انا مش طمعان فى كرسى ولا منصب ولا حتى قعده عرب انا يا كبير عايز اربى عيالى واللهى يا كبير مصاريف العيال بقت تقطم الوسط بس حنقول ايه اهو احنا احسن من غيرنا انت عارف يا كبير مصاريف المدارس بقت بالآلاف يا كبير و ادينى بدفع و صابر رغم يا كبير انى كان نفسى تعملى قانون يحدد الحد الاعلى للمصاريف علشان ياخويا انا اتنفضت خلاصصحيح انا بسمع ان فى غيرنا عايشين احسن منا بس وماله اهو برده مسيرنا نوصل ولا يا كبير حتعمل ايه فى العدلى و الباقيين؟عارف ان الموضوع ماشى بس بسرعة شوية وحياة ابوك علشان نارى تبردالا صحيح يا ريس هما فى ناس بره بيقولوا لو حاكمنا مبارك حيرمولنا عيالنا و حيوقفوا الاستثمارات طب و ماله يا كبير الناس الى بره ديه ناس زى الورد و لو مكانوش كده مكانش الناس دى احتاجت لهم اصلا يبقى ولادنا يرجعوا و هما بقى يدوروا اشغلهم بنفسيهم و على الاقل يا كبير يحسوا بقى بقيمة المصرى اصلك يا كبير لو تعرف كل العالم دى كانت عايشه فى خيم و احنا الى بنينا لهم بلادهم المهم سيبك منهم يا كبير واللهى احنا معاك و العالم كله معاك يعنى العالم ديه ولا يهمك منها اصلا ده الشباب الى زى الفل ده لو رجع حيبنى مصر فى ظرف سنه ولا اتنينولا ياخويا الدول الاوربيه الى دلوقتى عمله لينا قيمه يعنى النفر من دول حيرجع من الخليج يشغلوا هنا يا الف مكان فى اوروبا حيخطفوه ده احنا ولادنا زى الفل
عارف ياكبير من كام يوم ماشى فى الشارع لقيت اعلان ساعات اجنبى عاملين ساعه يا كبير عليها علم بلدى و اللهى علم بلدى يا كبير و مكتوب جنبيها نعم انك تستطيععارف انا صعبت عليا نفسى قوى لما شوفتها اصلى حسيت قد ايه انا كنت مرخص نفسي ده انا المصرى يا عم يعنى جامد قوى و كبير قوىيعنى كرامه و اصل و رجوله يعنى وقت الزنقه اقف ولا يمكن اهربيعنى انا اللى صبرت و قعدت جعان ٦ سنين علشان ارجع حته من ارضى و عبرت و حاربت لحد ماجبتها فى الاخرصحيح يا ريس هو ليه انا اللى صبرت ٦ سنين علشان حته ارض ماقدرتش اصبر ٦ شهور علشان ارجع بلدى بالكامل المهم يا عم الاستفتاء حصل و اللى حصل حصل بس يا كبير انا عايز بلدى يا كبيرمش عايز اطول عليك يا كبير بس اشوف وشك بخير يا ريس انا مش رايح فى حته انا هنا جنبك بس حسيبك تشوف مصالحنا و تكمل شغلكو لو احتجتني بس نادى عليا حقف معاك بس علشان خاطر بلدىسلام
ليست هناك تعليقات:
إرسال تعليق