الف و الف علامه استفهام
بقى هى ديه النهايه........................................... طب كانت ليه البدايه؟
طب الصح انى اسكت................................... ولا اصرخ و انزل الميدان؟
طب كان الصح ايه....................................... وانا شايف كل شى مهان؟
مش انى انزل الميدان ؟.......................................ولا انى افضل جبان ؟
وادينى نزلت الميدان و.................................................. اقول كمان ؟
ادينى نزلت الميدان......................................... انا مصرى انا مش جبان
طب كنت ساكت ليه وراضى طيب ليه.....................وليه كان صوتى واطى؟
طب ليه لو قالو طاطى.......................................... كنت بطاطى للجبان؟
بس انا فى قلب الميدان................................... انا مصرى انا مش جبان
طب ليه انا كنت اخرس ؟................................. كنت اعمى و لا اطرش ؟
ازاى انا كنت راضى............................................ و واقف بره الميدان؟
و نقول كمان........................................................ لأ واصرخ كمان
ادينى نزلت الميدان........................................ انا مصرى انا مش جبان
طب ليه انا كنت خايف ...................................و على ايه انا كنت خايف؟
انا كنت حى ميت.......................................... نفسى اقابل الجنيه وليه ؟
انا مصرى.............................................. انا مش مهان انا مش جبان
معقوله انا كنت نايم................................................ ولا فى الهم هايم؟
معقوله انا كنت عارف وراضى........................ ولا انا كنت صحيح جبان؟
وادينى نزلت الميدان......................................... انا مصرى مش جبان
طب ليه انا كنت راضى........................................ هو انا جوايا فاضى؟
ولا ما كنتش بحبك............................................ ولا كنت فى حبك جبان؟
طب ليه ده انا اسمى مصرى...... وليكى دمى يسرى على ارضك فى الميدان؟
هو انا كنت خاين......................................................... ولا بجد نايم؟
هو انا خنتك فى يوم................................................ لما حكمك الجبان؟
طب ليه انتى ساكته....................................... و على ارضك الف سجده؟
هو انا كنت بصلى و اسجد.......................... و ما توبتش غير فى الميدان ؟
طب ليه صليب وجامع.................................. مجموعين فيكى في شارع؟
وليه عنوانى فيكى............................................ جنب كنيسه فى ميدان؟
طب ليه جرس و مدنا ................................................وليه فيكى اذان؟
هو انا كنت كافر ولا كنت غافل................................ عن حبك من زمان؟
انا مصرى انا مش جبان........................................... انا نزلت الميدان
ولسا ليا فيكى........................................... الف و الف علامه استفهام
ليست هناك تعليقات:
إرسال تعليق