جنس نمرود
اخرس فأنت مجرد طربوش
انت حتعرف احسن من الحكومه هما قالولك تقول نعم يبقى نعم ولا انت فاهم نفسك حاجه و بعدين مش كفايه مكلفين خاطرهم و جايبين لك كل رمز النفاق السابق قصدى النظام السابق ينصحوك و يقولولك قول نعم و الا حانضطر نزور النتائج
صحيح ان كل الاشكال الى بتطلع تنصحك انك تقول نعم دول محدش فيهم طلع اصلا فى الثوره و صحيح انهم كتير منهم كانوا مع الحزب السابق و الباقى اخوان بس بردو مش كفايه ان فى حد عبرك هو انت كنت تحلم صحيح صنف نمرود فيها ايه يعنى لما عمك هادى خشبه يطلع يقولك روح يا كلب قول نعم و فيها ايه بردو لما يطلع مذيع نجوم اف ام يقولك لو بتحب مصر حتقول نعم فيها ايه لما الشيخ الفلانى و لا الاعلامى الحكومى السابق يقولك يا كلب روح قول نعم مش هما دول اكبر منك و خايفين على مصلحتك اما صحيح انك جنس نمرود عايز ايه عايز تقول لأ صح مهو هو ده الى ناقص عايز كلب زيك يبوظ اتفاق الكبار
طب يعنى الحزب الوطنى و الاخوان يتفقوا على شئ و انت تبوظه
واللهى يا كلب لنبعتلك عبود الزمر و ده بقى بلطجى و ما يهموش ده يقتل القتيل و يطلع منها اوعى بقى تصدق ان القتل عقوبته الاعدام الى يقتل يبقى رئيس جمهوريه انت متعرفش ولا ايه يا عبيط؟
انت عايز ايه فاكر نفسك حتقدر تقف قصاد الكبار يا فسل ارجع و اعرف حجمك كويس ولا فاكر نفسك عملت ثوره بصحيح ده هما كانو سيبينك تلعب شويه فى الميدان يا اهبل
لو ماقولتش نعم حنخرب بيتك و حنبهدلك و كمان حنخلى الجيش يطنشك و يعمل مجلس رئاسى و انت بقى عض فى الارض علشان تبقى تفتكر انك ممكن تعمل حاجه
كل ده و انا بردو حروح و اقول لا علشان حتى لو صوتى هو واحد بس حيفرق مع كل واحد انا حقول لأ زى ما قولتها فى الميدان قبل كده
ليست هناك تعليقات:
إرسال تعليق