افرجوا عن مبارك يعيد معانا فى عيد العمال و يدينا المنحه و ربنا ما يقطعلنا عاده
عيد العمال ده بقى بيمثل للمصرين مناسبه خاصه جدا هو بمثابه يوم الشحاته العالمى لما كان المخلوع يطلع علينا بطلعته البهيه فى التلفزيون و يفضل يلت و يعجن و يقول ايها الاخوه المواطنون على الرغم من انها كانت جمله الراحل جمال عبد الناصر الا انها لما تسمعها من مبارك تحس انك عندك عسر هضم ليه معرفش يمكن علشان دايما كان بيقول ايها الاخوه المواطنون و بعديها يرفع الاسعار و يسود عيشتنا اكتر ما كانت سوده
لدرجه انها هى و عيد العمال مرتبطه مع المصرين برفع الاسعار خلال ١٥ يوم من تاريخ الخطاب
و فى نص الخطاب يطلع واحد الحكومه مأجراه يصرخ و يولول و يقول المنحه يا ريس زى مثلا ما يكون ده واحد من العمال لامؤاخذة ولا حاجه رغم اننا كلنا عارفين ان كل الى كانوا بيبقوا قعدين دول تبع الريس او شويه كومبارس جيبنهم علشان يملوا الكراسى بس بردو كنا بنصدق
المهم ان المنحه يا ريس
كل اللى مضايقنى دلوقتى مين اللى حايطلع يقول الخطاب و بعدين هما اجروا واحد يقول المنحه يا ريس ولا لسا
بس مش مشكله تدبر و على رأى المثل العبد فى التفكير و الرب فى التدبير
و طبعا بعد الخطاب اكيد التلفزيون مش حا ينسى انه يذيع اغنيه اختارناه اختارناه من باب العاده او باب المجامله للريس او اى باب و السلام حتى ولو كان باب زويله المهم انه يفكر الشعب انه كلاب و الريس بيعطف عليهم علشان هما شعب شحاتين
و صحيح الريس اكيد بردو و هو بيقول على المنحه مش حينسى يشاور بيده الكريمه الى عيزا قطعها للممثل الكمبرس انه يقعد و خلاص هو افتكر و حيديله المنحه و ايه عاده و ربنا و يقطعلنا عاده
المهم انه فى خلال ١٥ يوم من تاريخ الخطاب يبداء مسلسل ارتفاع الاسعار و اهو كله علشان محدود الدخل
و صحيح طالما فى عيد عمال و احنا بنادى بالمساوه و عملنا ٥٠% عمال و فلاحين فى المجلس يبقى نعمل عيد الفلاح كمان و نغنى فيه يا رب كتر اعيادنا بتاعة شاديه
و ياريت نشيل منها الجزء بتاع على قد نيتنا ادينا علشان ده بالذات لو ربنا استجابله حنروح فى دهيه اصل احنا كانت نيتنا دايما نقبض و منشتغلش
صحيح ان العامل المصرى السنين الكتير اللى فاتت ايدك منه و الارض بس بردو فى امل انه ممكن يتغير و نبتدى بقى نبنى بلدنا
ويا رب مطلعش واحد المره دى كمان يقول المنحه يا ريس علشان مفيش اصلا ريس
و نفكر نشتغل بقى مره بجد علشان نستاهل القرش الى احنا بنأخذه
عيد العمال ده بقى بيمثل للمصرين مناسبه خاصه جدا هو بمثابه يوم الشحاته العالمى لما كان المخلوع يطلع علينا بطلعته البهيه فى التلفزيون و يفضل يلت و يعجن و يقول ايها الاخوه المواطنون على الرغم من انها كانت جمله الراحل جمال عبد الناصر الا انها لما تسمعها من مبارك تحس انك عندك عسر هضم ليه معرفش يمكن علشان دايما كان بيقول ايها الاخوه المواطنون و بعديها يرفع الاسعار و يسود عيشتنا اكتر ما كانت سوده
لدرجه انها هى و عيد العمال مرتبطه مع المصرين برفع الاسعار خلال ١٥ يوم من تاريخ الخطاب
و فى نص الخطاب يطلع واحد الحكومه مأجراه يصرخ و يولول و يقول المنحه يا ريس زى مثلا ما يكون ده واحد من العمال لامؤاخذة ولا حاجه رغم اننا كلنا عارفين ان كل الى كانوا بيبقوا قعدين دول تبع الريس او شويه كومبارس جيبنهم علشان يملوا الكراسى بس بردو كنا بنصدق
المهم ان المنحه يا ريس
كل اللى مضايقنى دلوقتى مين اللى حايطلع يقول الخطاب و بعدين هما اجروا واحد يقول المنحه يا ريس ولا لسا
بس مش مشكله تدبر و على رأى المثل العبد فى التفكير و الرب فى التدبير
و طبعا بعد الخطاب اكيد التلفزيون مش حا ينسى انه يذيع اغنيه اختارناه اختارناه من باب العاده او باب المجامله للريس او اى باب و السلام حتى ولو كان باب زويله المهم انه يفكر الشعب انه كلاب و الريس بيعطف عليهم علشان هما شعب شحاتين
و صحيح الريس اكيد بردو و هو بيقول على المنحه مش حينسى يشاور بيده الكريمه الى عيزا قطعها للممثل الكمبرس انه يقعد و خلاص هو افتكر و حيديله المنحه و ايه عاده و ربنا و يقطعلنا عاده
المهم انه فى خلال ١٥ يوم من تاريخ الخطاب يبداء مسلسل ارتفاع الاسعار و اهو كله علشان محدود الدخل
و صحيح طالما فى عيد عمال و احنا بنادى بالمساوه و عملنا ٥٠% عمال و فلاحين فى المجلس يبقى نعمل عيد الفلاح كمان و نغنى فيه يا رب كتر اعيادنا بتاعة شاديه
و ياريت نشيل منها الجزء بتاع على قد نيتنا ادينا علشان ده بالذات لو ربنا استجابله حنروح فى دهيه اصل احنا كانت نيتنا دايما نقبض و منشتغلش
صحيح ان العامل المصرى السنين الكتير اللى فاتت ايدك منه و الارض بس بردو فى امل انه ممكن يتغير و نبتدى بقى نبنى بلدنا
ويا رب مطلعش واحد المره دى كمان يقول المنحه يا ريس علشان مفيش اصلا ريس
و نفكر نشتغل بقى مره بجد علشان نستاهل القرش الى احنا بنأخذه
ليست هناك تعليقات:
إرسال تعليق