مواقف تفقع بصراحة
ليه بعد الثورة يتم الإنعام على الرئيس المخلوع بلقب الرئيس السابق و يمنع الناس فى بلد يدعى التحول الديمقراطي من ان يوصفه بالرئيس المخلوع
ليه وسط كل الغياب الامنى ده و مصر احد اقل دول العالم فى نسبه الجريمة وحجم الجرائم فى جمهوريه مصر العربية كلها اقل من حجم الجرائم فى نيويورك و كاليفورنيا فقط
ليه الأمن الوطن اللى هو امن الدولة سابقا افتكر دلوقتى بس انه يقبض على المنفذ لمحاوله اغتيال مبارك سنه ٢٠٠١
ليه افرجنا عن واحد زى عبود الزمر و هو متهم بقتل اعظم من حكم مصر
ليه يتم القبض على فلاحين يعتصمون اما مجلس الوزراء و يتم تغريمهم ١٠ الاف جنيه كفاله رغم انه لو كان معاهم مكانوش عملوا اعتصام اصلا
ليه لحد النهاردة بتتم مماطلات فى محكمات قتله المتظاهرين
ليه ان قضيه خالد سعيد اصبحت بالنسبة للحكومة المصرية مثل قضيه اغتيال كندى لدرجه ان كل تقرير للطب الشرعى له رأى شكل
ليه مبارك لحد النهاردة قاعد فى شرم الشيخ و الحكومة عرفت تطرمخ على الموضوع
ليه ان جماعه الاخوان تلجئ لواحد مثل صبحى صالح او عصام العريان يتكلموا باسمها
ليه اصبح التحول للديمقراطية هو تحول للتطرف الفكرى بشتى أنواعه
ليه الاخوان المسلمين و الحزب الوطنى تحولوا من اعداء الامس لحلفاء اليوم
ليه وزراه الداخلية لحد اليوم لم تتخذ اجراءات ضد المقصرين فيها
ليه يكون عندنا عدد مرشحين للرئاسة يساوى عدد المرشحين للرئاسة فى امريكا خلال ١٠ سنوات
ليه انه حتى لو تم فوز احد مرشحين الرئاسة باعلى نسبه تصويت ممكن يكون فاقد الشرعية ان لم يكمل النصاب القانونى و هو ٥١ % من عدد الاصوات
ليه اصبح الدين فى مصر بلد الازهر يأخذ عن بعض انصاف العلماء و المدعين
ليه المخابرات المصرية قدرت تكتشف جاسوس وقت الثورة و لم تكتشف ان حسين سالم خاين طوال ثلاثون عاما
ليه ازمه انابيب البوتاجاز لا تستطيع الحكومه حلها و يستطيع السلفين حلها و توزيع الانابيب بسهوله و بعدين جابوا الانابيب منين و مين اللى ادهالهم
ليه احنا بلد جاعت و صبرت ٦ سنوات علشان تسترد قطعه ارض تمثل ٢٠ % او اقل من مساحه مصر و لم نتحمل ضعف الاقتصاد ٦ شهور لاسترداد مصر بالكامل
ليه كل دول العالم تعرض مساعدتنا لاسترداد الاموال المنهوبة من البلد و حتى الان الحكومة المصرية لم تتخذ الاجراءات المناسبة
ليه المخابرات المصريه بالذكاء انها تقبض على الجاسوس و البلد كلها حالها ملخبط و مش عارفين يقبضوا على حسين سالم او غالى او رشيد
ليه المجلس العسكرى يساند الثورة و بعد ذلك يقف عقبه فى طريق تحقيق اهدافها
ليه احد اباطره وزاره الثقافه يضع صورته بدلا من صوره احد شهداء الثورة فى كتلوج يمثل مصر فى بينالى فينيسيا
ليه كنا شعب كل لما رئيس الدولة يلقى خطاب نقعد اسبوع نستضيف خبراء لتحليل الخطاب
ليه لحد اليوم لم يتم الاعلان عن ميزانيه الدولة بصوره تفصيلية و دخل البلاد منذ قيام الثورة
ليه مطلوب منا اننا نصدق و نتبع الكبار ممن بقوا لمده ثلاثون عاما راضخين للفساد و الظلم
ليه دوله عندها ازمه اقتصاديه تستورد عصير و اكل قطط و كلاب و منتجات ترفيهيه
ليه كان عندنا كم الابحاث و العلماء ده و حتى الان و بعد الثوره لم نبدأ فى تطبيق ايا من المشروعات
ليه ان مصر تملك انقى و افضل انواع السليكا فى العالم و المكون الاساسى للاجهزه الالكترونيه و حتى الان لانصنع اى جهاز
ليه الحكومه المصريه الان تدعم فقط الاستثمارات الاجنبيه و تهمل الاستثمار المصر رغم اننا كلنا عارفين ان الاستثمار الاجنبى يهرب لمجرد حدوث اى اضطرابات فى البلد
ليه انا كل يوم بستحمل كم الاخبار اللى تحرق الدم دى
ليه انت مستحمل تقرا الكلام ده و لسه عندك امل فى بكره
ليست هناك تعليقات:
إرسال تعليق