الشعب يريد اسقاط الهوباااا
انا نفسي اسأل العبقرى صاحب فكره فتح السجون اشمعنى يعنى مفتحوش سجن النساء
و لا هى المرأه مهضوم حقها كده على طول و هوبااا
بعدين كل شويه يطلعولك بنظريه شكل مرة ان حماس هى الى فتحت السجون و مره ان اهالى المساجين هما الى هربوهم
و الكبيره بقى طلعو فى الاخر تجار المخدرات هما الى هربوهم و بالامارة دول بتوع المثلث الذهبى يعنى من ده كله نستنتج الاتى
هو ان حماس يتاجرون فى المخدرات و يتواجدون فى منطقه المثلث الذهبى و ليهم ناس فى كل حته
لدرجة ان الداخليه اضعف من انها تقدر تمسكهم و كمان مفهومش نسوان
و ان الى هربوا و وصلوا لحد فلسطين دول مهربوش ولا حاجه دول بس رايحين يجيبوا كام طن حشيش و رجعين بسرعه
و هى دى بقى الهوبااا
المهم ان القناصه دول كانوا كلهم اجانب مش من الداخليه ولا حاجه و العياذ بالله
ولا حاجه و ان الثوره كان فيها عملاء اجانب فى وسط الميدان يعنى الاجانب دخلوا مصر و عملوا مظاهرات
و كمان جابو ناس علشان يموتوا بعض عندنا واللهى زي الفل طب مهو امال مين الى قال ان السياحه اتضربت
الحمد لله احنا بقى عندنا نوع جديد من السياحه مش موجود فى اى حته تانيه فى العالم هو سياحه القناصه و سياحه المظاهرات
و صباح الفل يا هرم و روح كل عيش يا رمسيس و عدى علينا بكره يا عم توت
و يلا بقى يا عم زاهى عايزك كده تعملنا كام كشف اثرى من بتوعك و تكتشفلنا المقابر الاثريه الى فوق العمارات فى ميدان التحرير
و طبعا تجار الاثار فاهمنى طبعا حيبيعوا فوارغ الطلقات بتاعه القناصه
و بعدين تعملها مشروع عبقرى انه يمكن تداول الاثار و بيعها و كمان يمكنك ركوب الخيل و الجمال فى ميدان التحرير
و السياحه خير لينا كلنا و هوبااااااا
اما بقى موضوع الخسائر بتاعه المظاهرات ده كلام فارغ
الحمد لله مصر ربنا ابتلها برجل عبقري طلع علينا امبارح و هو ماسك الملف بتاع كل واحد فيكو علشان تتلموا
و عمتا الى ملقاش الملف بتاعه فى امن الدوله يروح ياخد النسخه الى عند سعته
طلع العبقرى و قال مين الى قال ان ديه ثوره لحد هنا و هوبااااااا بجد
امال دى ايه يا عبقرى عصرك ياحبسجي يا كبير اكيد هي دى الهوبااا الى بيقولو عليها
معلش يا كبير اكيد الصنف كان جامد او علشان كده انت ماعرفتش ان حصل حاجه
بس المصيبه لو كمان صاحبنا الى كان نفسه يورث طلع بيتعاطى من نفس الصنف
و قلك ثوره ايه يلا ضبطلى الكرسي يا صفوت و الوظلى العمه يا فتحى و سكتلى الكلاب دول يا حبيبي
(; > و هوباااااا
بعد ده كله خير الله اما اجعله خير طلع علينا واحد ساكن فى التجمع الخامس بتاع امريكا بيكلمنا احنا طبعا سكان الدويقه بتاعة افريقا
قالك انا سياده العكيد و اوعو حد يفتكر انها بتتقال عقيد اصله فى امريكا يلى ما بتفهموش قالك انا الى بحرك الثوره
دى بقى مش بس هوبااا دى بقى الى يتقال فيها تيييييييييت
و كل شويه يطلع يقولك دول حيعملوا كذا و حيضربوا كذا و هاري بدنى أخبار لما بقيت زبون دائم لشركه بامبرز
و على رائ المثل الشيخ البعيد سره باتع
و لا تعليق و بردو الشعب يريد اسقاط الهوبااااااا
ليست هناك تعليقات:
إرسال تعليق