النسخه المصريه من القذافى
احد اسوء الكوارث الطبيعيه التى ضربت مصر فى الاونه الاخيره
المرشح الحنجورى صاحب تشكيله من نظارات الشمس و شعره الكنيش و صوت اقل ما يقال فيه انكر الاصوات صاحب سوابق و طوب الارض بيكرهه
و يعد احد اسوء الكوارث الطبيعيه اسوء من صخره الدويقه و زلزال ٩٢ و العباره و حوادث القطارات
لو وصلت انه يبقى رئيس جمهوريه يبقى نروح نجيب مبارك و نبوس رجليه كمان
يعتمد على جيش من المرتزقه و البلطجيه فى كل تحركاته و اسكات كل من يعارضه المهم انه لايحتاج الى التعريف به فهو اصبح العفريت او البعبع للمصرين و يأتى ذكره مع امنا الغوله و ابو رجل مسلوخه
و قريبا ستظهر فى الاسواق نكت باسمه حصريا يملك اكبر تشكيله من السيديهات و زبون سابق فى مكتبه ملفات امن الدوله امال كان بيجيب الملفات منين؟ من مكتبه ماما سوزان للطفل ؟
خلينا بقى فى البرنامج بتاعه :
١ تكريم مبارك و ده طبعا لانه يملك القرار منفردا و طز فى المصرين و تعين شفشق رئيس وزراء
٢ تغير اسم ميدان التحرير الى ميدان مصطفى محمود ٢ او مصطفى محمود بشرطه
٣ القبض على احمد شوبير و ابو تريكه و جوزيه و مجدى عبد الغنى علشان جاب جون فى كاس العالم ٩٠ و نفى مدحت شلبى و صقر و معاقبه ممدوح عباس بمؤبد
٤ اغلاق النادى الاهلى و اعدام عدلى القيعى و حسن حمدى و الراجل بتاع الامن اللى واقف على باب النادى كمان
٥ تعين حسام و ابراهيم سفيرا مصر فى تونس و تولع تونس و تعين شيكابالا وزير دفاع و ميدو مندوب مصر الدائم فى الامم المتحده و تغير النسر الموجود على العلم الى شعار نادى الزمالك
٦ تسليم درع الدورى و كاس مصر الى الزمالك علشان محدش يقول انه فشل مع النادى و محققش بطولات
٧ الغاء الدورى و الكاس لضمان احتفاظ الزمالك بهم
٨ عمل ملف لكل مواطن كلب لا يؤيده و الاستعانه بأصحابه فى امن الدوله لتنفيذ هذه المهمه
٩ تحويل سجن طره الى مقر رئاسه الجمهوريه علشان الشحططه مهو كده كده مسيره يرجعله
١٠ عمل متحف لاسلحه بلطجيه موقعه الجمل و تكريم شهدا البلطجيه منهم و تعينهم الحرس الشخصى له
١١ تغير خانه ذكر و انثى فى البطاقه لتصبح خنزير و خنزيره و ده طبعا بعد اعلانه اننا كلنا خنازير ولاد خنازير علشان عملنا ثوره
١٢ يرفع قضايا على كلا من : حركه فتح و حماس و عمرو حمزاوى و البرادعى و عمرو موسى و اى حد اسمه عمرو بالمره و ايمن نور و دوله قطر و البحرين علشان جنب قطر و عمان علشان مش جنب قطر و الشهيد خالد سعيد علشان فى احد المخبرين و هو بيضربه ايده اتجزعت و طبعا دى مسؤليه خالد و تهمته التعدى على رجل امن اثناء تأديه وظيفته و حيرفع قضيه على السودان و السعوديه و الجزائر و تونس سيعلن تأيده التام للقذافى و الاسد و على عبدالله صالح
هو النسخه المصريه من القذافى
اول حاجه عملها بعد الثوره هى موقعه الجمل تفتكروا لو بقى رئيس حيعمل فينا ايه
ليست هناك تعليقات:
إرسال تعليق